नेपाल पूर्वाधार 
काठमाडौं । काठमाडौमा विभिन्न पेशा र व्यवसायमा आवद्ध काभ्रेलीहरुको संस्था काभ्रे सेवा समाजको अध्यक्षमा प्रल्हाद केसी चयन भएका छन् । समाजको ११ औ स्थापना दिवस तथा बार्षिक साधारणसभाले केसीको अध्यक्षतामा १७ सदस्यीय नयाँ कार्य समिति चयन गरेको हो । केसी समाजका संस्थापक अध्यक्ष समेत हुन ।
समाजको बरिष्ठ उपाध्यक्षमा पूर्णसिंह खड्का, उपाध्यक्षमा लबराज जोशी, महासचिवमा राघबसिंह थापा, सचिवमा सफला खडका र कोषाध्यक्षमा दिना श्रेष्ठ चयन भएका छन् । यसैगरी कार्य समिति सदस्यहरुमा हिम्मतबहादुर बिष्ट, उद्धबबहादुर थापा, मनोजकुमार न्यौपाने, भीमसेन बञ्जारा, ओमकृष्ण श्रेष्ठ, नवराज थापा क्षेत्री, धनरानी केसी, पोषकलाल, श्रेष्ठ, रेश्मा बुद्धाचार्य, उर्मिला कोइराला र सच्युत राज उप्रेती छन् ।
बार्षिक उत्सवको अवसरमा समाजको मुखपत्र गुञ्जनको लोक सेवा आयोगका पूर्व अध्यक्ष उमेश मैनालीले विमोचन गरेका थिए । बार्षिक उत्सवमा महासचिव मधुसुधन गुरागाईले महासचिवको प्रतिवेदन र कोषाध्यक्ष दिना श्रेष्ठले कोषाध्यक्षको प्रतिवेदन प्रस्तुत गरेका थिए । कार्यक्रममा समाजका अध्यक्ष नारायणसिंह महत लगायतले काभ्रे समाजको महत्वबारे चर्चा गरेका थिए ।
