नेपाल पूर्वाधार 
काठमाडौं । अस्टेलियाका चर्चित एभिएसन भ्लगर स्याम चुई नेपाल आइपुगेका छन् । यसपटक हेलिकप्टरबाट सगरमाथाको दृश्यावलोकन गर्ने उनले बताएका छन् । चुईको यो दोस्रो नेपाल भ्रमण हो ।
सानै देखि हवाईजाहाजमा रुची राख्ने चुईको युट्युबमा ३ दशमलव १४ मिलियन सब्स्क्राइबर र ७४० मिलियन पटक हेरिएको छ । हाल दुबइ बस्दै आएका चुई शनिवार नेपाल एयरलाइन्सको ए३३० जहाजबाट नेपाल अवतरण गरेका हुन् ।
‘मैले क्याप्टेन विजय लामालाई भेटें । उनी पाइलटको साथसाथै युट्युबर पनि हुन् । उडानको केही समयपछि, हामी पूर्वतिर उड्दा एउटा सुन्दर सुर्योदय देखियो, आउँदै गर्दा क्षितिजमा धेरै अग्ला पहाडहरु देखिए । धौलासगिरि, अन्नपूर्ण, फिस्टेल, मनास्लु र अन्य हिमालहरुको दृश्यको साथ काठमाडौंमा अवतरण निकै रोमाञ्चक अनुभव थियो’ चुईले त्रिभुवन विमानस्थलमा उत्रिएपछि आफ्नो सामाजिक संजालमा लेखेका छन् ।
अर्को हप्ता चुई हेलिकप्टरबाट सगरमाथाको अवलोकन गर्दै छन् । यसअघि उनी २०१८ अगस्टमा नेपाल आएका थिए ।
