नेपाल पूर्वाधार 
काठमाडौं । नेपाल आयल निगमले पेट्रोलियम पदार्थको मूल्य घटाएको छ । निगमले पेट्रोलमा प्रतिलिटर ३ रुपैयाँ र डिजेल तथा मट्टितेलमा प्रतिलिटर १ रुपैयाँ घटाएर समायोजन गरेको हो ।
निगम सञ्चालक समितिको शनिबारको निर्णयानुसार इन्धनको मूल्य घटाउने निर्णय भएको हो । निगमले घटेको मूल्य राति १२ बजेदेखि लागू भएको जनाएको छ ।
मूल्य घटेसँगै पेट्रोलको मूल्य पहिलो वर्गअन्तर्गत चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगञ्जमा१६२.५०, दोस्रो वर्गअन्तर्गत सुर्खेत र दाङमा १६४ रुपैयाँ र तेस्रो वर्गअन्तर्गत काठमाडौँ, पोखरा र दिपायलमा १६५ मूल्य कायम भएको छ ।
त्यसैगरी, डिजेल र मट्टितेलमा पहिलो वर्गअन्तर्गत १४९.५० रुपैयाँ, दोस्रो वर्गअन्तर्गत १५१ र तेस्रो वर्गअन्तर्गत १५२ रुपैयाँ मूल्य कायम गरिएको निगमले जनाएको छ ।
