नेपाल पूर्वाधार 
काठमाडौं । विश्व बैंकले कोभिड १९ को प्रभाव दक्षिण एशियाली क्षेत्रका युवा तथा बालबालिका आउदो पुस्तासम्म रहने निष्कर्ष सार्वजनिक गरेको छ ।
महामाहीले युवा र बालबालिकोको स्वभाविक विकास र आम्दानीमा क्षति पुगेको तथा अर्थतन्त्रको विकास र युवालाई समेत असर गर्नेछ । बैंकले महामाहरीको विषयमा केन्द्रित भइ २५ वर्ष मुनिका युवालाई आधार बनाएर तथ्यांक विष्लेषणबाट यो निष्कर्ष निकालेको हो ।
युवा र बालबालिकोको मानव पुँजीको रुपमा रहेको ज्ञान, शीप र स्वास्थ्यको एकिकृत गरी आफ्नो क्षमतालाई प्रष्फुटन गर्ने मौका पाउँछन । मानव पुँजीलाई परिचालन गरेर मात्र बलियो र सफल वृद्धि हासिल गर्न सकिन्छ ।
तर, महामारीले युवा तथा बालबालिकाले ज्ञान प्राप्त गर्ने विद्यालयहरु बन्द गरायो । रोजगारी गर्ने ठाउँ बन्द भए । यसले मानव पुँजीलाई प्रवद्र्धन र सुरक्षित गर्ने स्वास्थ्य सेवा तथा रोजगार तालिम जस्ता अत्यावश्यक सेवालाई बिथोलेको विश्व बैंकको भनाइ छ ।
नयाँ प्रतिवदेनले बाल्यवस्थाको उमेर समुह (५ वर्षसम्म), विद्यालय जाने उमेर समुह (६ देखि १४ वर्ष र युवावस्था (१५ देखि २५) लाई समेटेको थियो । यो कोभिड महामारीपछि युवामा परेको त्यसको असरमा आधारित विस्तृत प्रतिवेदन हो । महामारीले गर्दा अहिलेका विद्यार्थीले भविष्यमा आफुले गर्ने आम्दानी क्षमताको १४ दशमलव ४ प्रतिशतसम्म न्युन हुनेछ ।
दक्षिण एशियामा सन् २०२० को अप्रिलदेखि २०२२ को मार्चसम्म आंशिक वा पूर्ण रुपले विद्यालयहरु बन्द भए । अध्ययनका अनुसार सामान्यतया १ सय दिन विद्यालय खुला हुन्थ्यो भनेर मान्दा त्यो अवधिमा १७ दिन मात्र खुल्यो । ८३ दिन बन्द भयो । त्यो दर विश्वप्यापी औसत दरभन्दा धेरैले न्यून हो ।
विश्वप्यापी विद्यालय खुला रहेको औसत दर ५२ प्रतिशत रहेको छ । यसको अर्थ १ सय दिन विद्यालय खुल्थ्यो भने ४८ दिन मात्र बन्द भयो । ५२ दिन आंशिक वा पूर्ण रुपले सञ्चालन भयो ।
दक्षिण एशियाली क्षेत्रमा दूर र अनलाईन शिक्षा पनि प्रभावकारी नभएको बैंकको भनाइ छ । यसले विद्यार्थीको नयाँ विषयबारे सिक्न सकेनन् भने सिकेको विषयसमेत विर्सिएको अध्ययनले देखाएको छ ।
