नेपाल पूर्वाधार 
काठमाडौँ । अमेरिकाको सरकारी सहयोग नियोग (यूएसएआइडी)की प्रमुख समान्था पावरले संस्थागत लोकतन्त्र र विकासका लागि अमेरिकी सहयोग जारी रहने बताएकी छिन् । उनले अमेरिका नेपालमा विकास प्रजातन्त्र र आर्थिक वृद्धिको पक्षमा रहेको समेत स्पष्ट पारिन ।
७५ बर्षदेखि नेपाल र अमेरिकाबीच सम्बन्ध रहेको बताउँदै दिगो आर्थिक विकास र सम्वृद्धिका लागि अमेरिकी सहयोग खुला रहने उनको भनाई थियो । । नेपालमा गर्ने सहयोगमा सहयोगमा कुनै भूराजनीति गन्ध नहुने पनि उनले बताइन । ‘अमेरिका नेपालको लोकतन्त्रलाई संस्थागत गर्न र यो देशको विकासलाई सहायताका लागि जहिले पनि खुला छ ।’ उनले भनिन्, ‘अमेरिका नेपालमा समावेशी आर्थिक वृद्धिको पक्षमा छ, विकास प्रजातन्त्र र आर्थिक वृद्धिको पक्षमा छ।
दुई दिने नेपाल भ्रमणको अन्तिम दिन बुधबार आयोजित पत्रकार सम्मेलनमा अमेरिकाले नेपालमा दिगो विकास लक्ष्य (एसडीजी) र मध्य आय भएको मुलुकको स्तरोउन्नतिका लागि सहयोग गर्ने बताउँदै कृषि, पर्यटन, स्वच्छ ऊर्जाको सम्भावनालाई विकासमा बदल्नका लागि सहयोग गरिरहेको बताइन ।
नेपाल–अमेरिकाबीच निकटतम् सम्बन्ध रहेको र अमेरिकामा नेपालीको उपस्थिति बढ्दो रहेको उनको भनाई थियो । ‘विकासको पक्षमा लम्किएको नेपाललाई अमेरिकाले सहयोग गरिरहन्छ, यसमा भुराजनीति गन्ध हुँदैन, दुई देशबीचको सम्बन्धले यसलाई निर्धारण गरेको छ ।’, उनले भनिन्, ‘दुई देशबीचमा जनस्तरकै सम्बन्ध बलियो हुँदैछ, अमेरिकाले आफ्नो नीतिमा स्पष्ट लेखेर नै सहकार्य गर्छ यदि नेपाललाई दिने सहयोग भनेको नेपालसँग अमेरिका विभिन्न चरणमा गरेको प्रतिबद्धताको उत्पादन हो ।’
