Nepal Purbadhar

सोमवार, माघ १६, २०७९
Monday, January 30, 2023

सोमवार, माघ १६, २०७९
Monday, January 30, 2023

ऊर्जा मन्त्रीले गरिन चार्जिङ स्टेशन उद्घाटन, प्रति किलोमिटर कारलाई ७० पैसा र बसलाई १ रुपैयाँ खर्च हुने


काठमाडौं । नेपाल विद्युत् प्राधिकरणले निर्माण गरेको विद्युतीय चार्जिङ स्टेशनको ऊर्जा, जलस्रोत तथा सिचाईमन्त्री पम्फा भुसालले उद्घाटन गरेकी छन् । सवारी साधनमा विद्युतीय चार्ज गरेर चार्जिङ स्टेशनको उद्घाटन गरेकी हुन् ।

नेपाल विद्युत प्राधिकरणको प्रधान कार्यालय परिसरमा निर्माण गरिएको चार्जिङ स्टेशन शुभारम्भसँगै विद्युत खपत प्रवद्र्धनमा प्रोत्साहन मिल्ने प्राधिकरणको भनाइ छ । विद्युतीय साधन प्रयोगलाई बढवा दिने उदेश्यले देशका प्रमुख सहर तथा राजमार्गमा दु्रत सवारी चार्जिङ स्टेशनहरुको स्थापना गर्ने कामको थालनी भइसकेको छ ।

देशका विभिन्न स्थानमा ५१ वटा चार्जिङ स्टेशन स्थापना गर्ने कार्य भइरहेको छ । त्यसरी स्थापना गर्ने स्टेशनमा २६ वटा ठूलो बस, माइक्रो, ट्रक, पिकअप तथा कारको लागि चार्जर रहनेछन । त्यस्तै, २५ वटा साना ठूला कारहरुको लागि चार्जर स्टेशन रहने छन् ।

चार्ज गर्दा कारहरुमा औसतमा ७० पैसा, एसयुभीमा ८० पैसा, माइक्रोबसमा ९० पैसा र बसहरुमा १ रुपैयाँ पैसा प्रति किलामिटर खर्च लाग्नेछ ।

चार्ज गर्नको लागि आवश्यक सेवा प्रवाह प्रणालीको विकास गरिसकिएको छ । यस प्रणालीमार्फत उपभोक्ताले अनलाई बुकिङ गर्न सक्नेछन् । चार्जको रकम भुक्तानीको लागि प्राधिकरणको मोबाइल एप्स प्रयोग गर्न सकिनेछ ।

 

प्राधिकरणले निर्माण गरिरहेको चार्जिङ स्टेशनको क्षमता ६० किलोवाट डिसी प्लस ६० किलोवाट डिसी प्लस २२ किलोवाट एसी रहेको छ । यसले १२० किलोवाट डिसीसम्म पनि सिंगल डिसी गनले गाडीहरु चार्ज गर्न सक्छ ।

नेपालमा उपलब्ध सवारी साधनहरुमा रहेको ब्याट्री क्षमता अनुसार। कम्तिमा आधा घण्टादेखि १ घण्टासम्ममा पूर्ण चार्ज हुन सक्छ ।


Read Previous

आयोजना सञ्चालन गर्दा जनताले दुःख पाउनु भएनः सहरी मन्त्री चौधरी

Read Next

एक घण्टामा पूर्ण चार्ज गर्न सक्ने ५१ विद्युत चार्जिङ स्टेसन कहाँ कहाँ रहनेछ ?

Leave a Reply

Your email address will not be published.