Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
नेपाली कांग्रेसको ऊर्जा नीति र चुनावी घोषणापत्रमा समेट्नु पर्ने मुद्दा ८ वर्षभित्र ३३ लाख घरधुरीमा विद्युतीय चुल्हो पुर्याउने कार्ययोजना निर्माण सुदूरपश्चिम प्रदेश राजधानी घोषणाका ४ वर्षमा पनि पूर्वाधारका काम अघि बढन सकेनन् अन्नपूर्ण पदमार्गमा पर्यटकीय चहलपहल बढ्दै, २०२२ मा अहिलेसम्म ७ हजार २१३ विदेशी पर्यटक आए बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले

पाकिस्तानले ७२० मेगावाटको करोट आयोजना सञ्चालनमा ल्यायो, लोडसेडिङ न्युनिकरणमा राहत


काठमाडौं । चर्को लोडसेडिङको मार झेलिरहेको पाकिस्तानमा ७२० मेगावाटको करोट जलविद्युत आयोजनाबाट विद्युत उत्पादन सुरु भएको छ । पाकिस्तान सरकारले चाइन थ्री गर्जेज कर्पोरेशनसँगको सहकार्यमा निर्माण सम्पन्न गरेको जलविद्युत आयोजनाबाट बिहीबारदेखि विद्युत उत्पादन सुरु भएको हो ।

निर्माण सुरु गरेको ७ वर्षपछि चीन–पाकिस्तान आर्थिक कोरिडोर (सिपिइसी) परियोजना अन्तर्गतको सम्पन्न गरी सञ्चालनमा ल्याइएको अन्तर्राष्ट्रिय सञ्चार माध्यमहरूले जनाएका छन् । पाकिस्तानको पञ्जाब प्रान्तको झेलुम नदीमा संरचना रहेको यो सिपिइसी अन्तर्गत निर्माण भएको ठूलो आयोजना हो ।

यो आयोजनाको संरचना निर्माणको काम सन् २०१५ को अप्रिलबाट सुरु भएको थियो । यो आयोजना सञ्चालनमा आएसँगै पाकिस्तानले भोगिरहेको चर्को लोडसेडिङको मार न्युनिकरण गर्न सहयोग पुग्ने समाचारमा जनाइएको छ ।

आयोजनाले उत्पादन गरेको विद्युतबाट थप ५० लाख पाकिस्तानी नागरिकमा विद्युत पहुँच विस्तार गर्न सकिने छ । आयोजनाले वार्षिक ३२ अर्ब युनिट स्वच्छ विद्युत उत्पादन हुनेछ ।

यो आयोजनाको विद्युतले पाकिस्तानको विद्युत प्रसारण तथा वितरण प्रणालीलाईस्थित बनाउनेछ । साथै, पाकिस्तानले कोइलामा आधारित थर्मल प्लान्टको तुलनामा सस्तो विद्युत उपयोग गर्न पाउनेछ ।

आयोजना सञ्चालनमा आउँदा वार्षिक ३५ लाख टन कार्वन उत्सर्जनमा कमी आउनेछ । कार्बन उत्सर्जनको अवस्थालाई स्थिर राख्न तथा विश्वभर जलवायु परिवर्तनको जोखिम कम गराउन योगदान पुग्नेछ । पाकिस्तानको ऊर्जा संकट निवारणमा पनि महत्त्वपूर्ण भूमिका आयोजनाको रहनेछ । पाकिस्तानले उत्पादनभन्दा माग बढी भएका कारण लामाे समयदेखि लाेडसेडिङकाे समस्या झेल्दै आएकाे छ ।

आयोजना निर्माण अवधिमा प्रभावित क्षेत्रमा स्थानीय बासिन्दालाई लक्षित गरी २० भन्दा बढी लोक कल्याणकारी काममा पनि लगानी गरेको चाइना थ्री गर्जेजले जनाएको छ । चाइना थ्री गर्जेजले आयोजना प्रभावित स्थानीय क्षेत्रको विकासका लागि विद्यालय, अस्पताल, सडक पूर्वाधार निर्माण गरिदिएको छ ।

आयोजना निर्माण अवधिभर ४ हजार ५ सय बढीले प्रत्यक्ष तथा अप्रत्यक्ष रोजगारीको अवसर पाएका छन् । यो झेलुम नदीमा प्रस्ताव गरिएका ५ क्यासकेड मध्ये चौंथो जलविद्युत आयोजना हो । यही नदीमा निर्माण भएको ९६९ मेगावाटको निलुम झेलुम जलविद्युत आयोजनाले सन् २०१८ देखि विद्युत उत्पादन गरिरहेको छ ।

यो आयोजना निर्माण गरेको चाइना थ्री गर्जेजले विश्वका ४० भन्दा बढी देशमा ऊर्जा तथा पूर्वाधार निर्माणको क्षेत्रमा काम गर्दै आएको छ । चाइना थ्री गर्जेजले विश्वका विभिन्न देशमा गरी १८ हजार मेगावाटका विद्युत आयोजना निर्माण गरिसकेको छ । सिपिइसी चीनको बेल्ट एण्ड रोड इनिसियटिभ अन्तर्गतको प्रमुख पाइटल परियोजना हो ।

अन्तर्राष्ट्रिय समाचार एजेन्सीहरूको सहयोगमा अनुवाद


Read Previous

विद्युत प्रसारण लाइन र सडक पूर्वाधार आयोजना (एक खाेज अध्ययन)

Read Next

वर्षामा देशभरका सामरिक सडक सुचारु राख्न २१८ उपकरण परिचालन

Leave a Reply

Your email address will not be published.