नेपाल पूर्वाधार 
काठमाडौं । नेपाल विद्युत् प्राधिकरणले एकैपटक ठूलो संख्यामा कर्मचारी माग गरेको छ ।
प्राधिकरणले विभिन्न पदमा २६० जना कर्मचारी माग गरेको हो । प्राधिकरणले जारी गरेको सूचनामा अधिकृतदेखि सहायकस्तरसम्मका पदहरूमा दरखास्त आह्वा गरिएको छ ।
प्राधिकरणले अधिकृतस्तरअन्तर्गत सहनिर्देशकदेखि वातावरणविद्सम्म १३२ जनाको स्थायी पदपूर्तिका लागि खुला प्रतियोगितात्मक परीक्षा लिने उल्लेख गरेको छ । यस्तै सहायकस्तरअन्तर्गत मिटर रिडिङ सुपरभाइजर, सुपरभाइजर तथा लेखापाल पदमा १३० जना कर्मचारी माग गरिएको छ ।
योग्यता पुगेका नेपाली नागरिकहरूले आजदेखि माघ ८ गतेसम्म अनलाइनमार्फत दरखास्त दिन सक्नेछन्। तोकिएको म्यादभित्र आवेदन दिन नसकेकाहरूले दोब्बर दस्तुर तिरेर माघ १५ गतेसम्म दरखास्त दिन सक्ने प्राधिकरणले जनाएको छ ।
यहा क्लिक गरेर आवेदन दिन सकिन्छ
यसैगरी, प्राधिकरणले ज्येष्ठता तथा कार्यसम्पादन मूल्यांकन र कार्यक्षमता मूल्यांकनका आधारमा हुने बढुवाका लागि पनि विभिन्न पदमा आवेदन फाराम खुला गरेको छ।
17968184
