महाधिवेशनका प्रतिनिधि चयनमा इन्जिनियरहरूको एकमत

काठमाडौं । नेकपा (एमाले)सँग आवद्ध प्रोग्रेसिभ इन्जिनियर्स एसोसिएसन नेपाल (पिन)ले आगामी ११औँ राष्ट्रिय महाधिवेशनका लागि पाँच जना प्रतिनिधिहरू सर्वसम्मत रूपमा चयन गरेको छ।

देशभर प्रतिनिधि छनोटका लागि निर्वाचन प्रक्रिया जारी छ तर इन्जिनियरहरूको साङ्गठनिक एकताका कारण पिनमा भने सहमतिको आधारमा प्रतिनिधि चयन सम्पन्न भएको हो।

छनौट भएका प्रतिनिधिहरुमा पिनका अध्यक्ष ई .डा भेषराज थापा, महासचिव ई. राजन थापा, ई .अम्बिका महत लगायत रहेका छन।

पिनका पदाधिकारीहरूले प्रतिनिधि चयन सहमतिपूर्वक सम्पन्न हुनु संस्थाको आन्तरिक एकता, परिपक्वता र सामूहिक भावनाको उदाहरण भएको टिप्पणी गरेका छन्।