नेपाल पूर्वाधार 
काठमाडौं । गत आर्थिक वर्ष २०८१/०८२ मा नेपालले ११ वर्षकै धेरै वस्तु तथा सामानको निर्यात गरेको छ ।
भन्सार विभागले सार्वजनिक गरेको आव २०८१/०८२ को वैदेशिक व्यापारको तथ्यांकअनुसार नेपालले १२ महिनामा २ खर्ब ७७ अर्ब ३ करोड रुपैयाँको वस्तु निर्यात गरेको हो । अघिल्लो आर्थिक वर्ष २०८०/०८१ को तुलनामा गत आव २०८१/०८२ को निर्यातमा ८१.८० प्रतिशतले बृद्धि भएको छ ।
यसअघि २०७८/०७९ मा नेपालले किर्तिमानी २ खर्ब ३ करोड रुपैयाँको वस्तु निर्यात गरेको थियो ।
आव २०८१/०८२ मा १८ खर्ब ४ अर्ब १२ करोड रुपैयाँ बराकरको वस्तु तथा सामान नेपालमा आयात भएको छ । अघिल्लो आव २०८०/०८१ को तुलनामा गत आव २०८१/०८२ मा १३.२५ प्रतिशतले आयातमा बृद्धि भएको हो ।
गत आव २०८१/०८२ मा नेपालको कुल वैदेशिक व्यापार भने २० खर्ब ८१ अर्ब १५ करोड २९ लाख रुपैयाँ रहेको विभागको तथ्यांकल देखाएको छ । सोही अवधिमा नेपालको कुल व्यापार घाटा भने १५ खर्ब २७ अर्ब ९ करोड २५ लाख रुपयाँ रहेको छ ।
