नेपाल पूर्वाधार 
काठमाडौं । नयाँ दर्ता भएका इन्जिनियर तथा आर्किटेक्टहरुलाई आत्मविश्वास र आफ्नो पेसागत यात्रा सुरु गराउन सहयोग पूर्याउने उदेश्यले तालिम दिइएको छ ।
नेपाल इन्जिनियर्स एशोसिएन र नेपाल इन्जिनियरिङ काउन्सिलको सयुक्त आयोजनामा ‘क्यारिअर इम्पावर एण्ड ओरियन्टेसन प्रोगाम आयोजना गरिएको हो ।
कार्यक्रम असार ११ गतेदेखि १३ गतेसम्म सञ्चालन भएको थियो । तीन दिनको अवधिमा करिब १०० जना युवा इन्जिनियर तथा आर्टिटेक्टहरुको सहभागिता थियो । जसलाई आयोजकले उत्साहजनक उपस्थिति भनेको छ ।
यस्तै कार्यक्रहरु साउन ३ गते इन्जिनियर दिवसपछि पनि सञ्चालन हुने बताइएको छ ।
आयोजकका अनुसार आफ्नो पेशागत यात्रा प्रारम्भ गर्न आवश्यक मार्गदर्शन, जानकारी र प्रेरणा प्रदान गर्ने उद्देश्यले यो कार्यक्रम आयोजना गरिएको हो ।
पूल्चोकस्थित इन्जिनियर भवनमा कार्यक्रम सम्पन्न भएको हो ।
