नेपाल पूर्वाधार 
काठमाडौं । नेपाल विद्युत प्राधिकरणले १० मेगावाटसम्मका जलविद्युत आयोजनाको विद्युत खरिद सम्झौता (पिपिए) गर्ने प्रक्रिया अगाडि बढाएको छ । प्राधिकरणले सूचना सार्वजनिक गरी गत माघ २४ गतेको सञ्चालक समितिको निर्णय कार्यान्वयन गर्न साना लगानीकर्तालाई आफ्ना आयोजनाको पिपिएका लागि आवेदन पेश गर्न आग्रह गरेको हो ।
प्राधिकरणले प्रसारण सम्झौता (ग्रिड कनेक्सन एग्रिमेन्ट) भइसकेका तथा हुने चरणमा रहेका १० मेगावाटसम्मका नदी प्रवाही (आरओआर) एवं अर्धजलाशय (पिआरओआर) जलविद्युत आयोजनाको लिउ वा तिर (टेक अर पे ) प्रावधानको पिपिए गर्ने सूचनामा जनाइएको छ ।
यस्तै, पहिले नै पिपिए सम्पन्न भइसकेका आरओआर तथा पिआरओआर जलविद्युत आयोजनाको यसबिचमा २५ प्रतिशतसम्म क्षमता अभिवृद्धि गर्ने आयोजनाका प्रवद्र्धकलाई पनि थपिएको क्षमताको पिपिएका लागि प्राधिकरणले आवश्यक कागजातसहित आवेदन मागेको छ ।
क्षमता अभिवृद्धि गर्ने आयोजनाको हकमा पिपिए सीमाको अधिनमा नरहने गरी बढेको क्षमताको लिउ वा तिर (टेक अर पे) प्रावधानमा राखी पिपिए संशोधन गर्ने प्रक्रियाको कार्यान्वयन गर्न गरिने प्राधिकरणले जनाएको छ ।
प्राधिकरणले विद्युत जडित क्षमता साढे २८ हजार मेगावाट पुर्याउने सरकारको रणनीतिक लक्ष्य पूरा १० मेगावाटसम्मका आयोजनाको पिपिए खुलाएको हो । साथै, राष्ट्रिय प्रसारण प्रणालीमा जडित क्षमताको १० प्रतिशत सौर्य विद्युत पुर्याउने गरी थप ८ सय मेगावाटका सौर्य विद्युत आयोजनाको पिपिए गर्दैछ ।
