नेपाल पूर्वाधार 
काठमाडौं । जलविद्युत उद्यमी एवं स्वतन्त्र ऊर्जा उत्पादकहरूको संस्था, नेपाल (इपान) का पूर्व अध्यक्ष शैलेन्द्र गुरागाईं नेपाल उद्योग बाणिज्य महासंघको एसोसिएटतर्फको कार्यकारिणी सदस्यमा विजय भएका छन् । उनी महासंघको ५७औं वार्षिक साधारण सभामार्फत बुधबार सम्पन्न निर्वाचनमा विजयी भई कार्यकारिणीय सदस्य बनेका हुन् ।
उनको पक्षमा १३ सय १५ मत खरेको छ । एसोसिएटतर्फ निर्वाचित भएका १९ जना मध्ये बढी मत पाएर विजयी हुने सदस्यको सूचीमा उनी ७औं स्थानमा छन् । उनी ऊर्जा क्षेत्रको प्रतिनिधित्व गर्दै महासंघको ५७औं वार्षिक साधारणसभामा भएको चुनावी प्रतिस्पर्धामा थिए । नेपालको पानी, समृद्धिको खानी नारा बोकेर चुनावी प्रतिस्पर्धामा उत्रिएका उनी राम्रो मत ल्याएर विजयी भएका छन् ।
महासंघको कार्यकारीणी सदस्यमा निर्वाचित भएका उनले आफ्नो ज्ञान, सीप, अनुभव र क्षमता जलविद्युत क्षेत्रको व्यवसायिक हक हितका लागि उपयोग गरी लगानीमैत्री वातावरण बनाउन भूमिका निर्वाह गर्ने बताएका छन् ।
