नेपाल पूर्वाधार 
काठमाडौं । नेपाल इन्फ्रास्ट्रक्चर बैंकले शेयरधनीहरुको सहभागिता सहित चौंथो वार्षिक साधारण सभा शनिबार दिन सम्पन्न गरेको छ ।
सभाले आर्थिक वर्ष २०७८/७९ कोे वित्तीय विवरणहरु सहितको सञ्चालक समितिको प्रतिवेदन स्वीकृत गर्ने र आर्थिक वर्ष २०७९/८० को लागि लेखापरीक्षक नियुक्त गर्ने प्रस्ताव पारित गरेको छ ।
साथै, बैंकको चुक्ता पूँजी २१ अर्ब ६० करोडको ४.२१०५ प्रतिशतले हुने रकम ९० करोड ९४ लाख ६८ हजार रुपैयाँ नगद लाभांस (लाभांस कर समेत) वितरण गर्ने प्रस्ताव पारित गरेको छ । बैंकको प्रबन्धपत्र र नियमावलीमा समयसामयिक संशोधन गर्ने प्रस्ताव समेत सर्वसम्मतिले पारित गरेको छ ।
स्वदेशी तथा विदेशी वित्त बजारबाट दीर्घकालिन स्रोत संकलन गरी मुलुकको पूर्वाधारका परियोजनाहरुमा लगानिको पहुँच वृद्धि गर्ने उद्देश्यका साथ स्थापित यस बैंक हाल संचालनको चौँथो वर्षमा रहेको छ ।
आव २०७८/७९ सम्म आईपुग्दा बैंकले ३२ अर्ब ८९ को कर्जा स्वीकृत गर्दै १५ अर्ब ५८ करोड बरबरको कर्जा प्रवाह गरेको छ । सोही अवधिमा बैंकले १ अर्व २ करोड खुद मुनाफा आर्जन गर्न सफल भएको छ ।
बैंकले मुलुकमा निर्माण हुने सबल तथा दीर्घकालीन पूर्वाधारहरुमा सफल अभ्यासहरु अंगाली सार्वजजिक तथा निजी क्षेत्रको सहकार्य र लगानी प्रवर्धन गर्ने विषयहरुलाई मुख्य आधारस्तम्भ बनाई चार वर्षे रणनीतिक योजना अनुरुप व्यवसायिक गतिविधिहरुलाई तिब्रता दिएको छ ।
अनुपम फुडल्याण्ड एण्ड ब्याङ्क्वट, बत्तिसपुतली, काठमाडौंमा सम्पन्न सभाको अध्यक्षता बैंक सञ्चालक समितिका अध्यक्ष अनुज अग्रवाल गरेका थिए । सो अवसरमा बैंक सञ्चालक समितिका सदस्यहरु केदारनाथ शर्मा, चन्द्र प्रसाद ढकाल, लालमणि जोशी, शंकर प्रसाद अधिकारी,सुमन पोखरेल, लिमा अधिकारी आचार्य र बैंकका प्रमुख कार्यकारी अधिकृत रामकृष्ण खतिवडा लगायतमने उपस्थिती थियो ।
