नेपाल पूर्वाधार 
काठमाडाैं । सिङ्गटी हाइड्रो इनर्जि लिमिटेडको साधारणसभाले ६ जना सञ्चालक चयन गरेको छ । आज सम्पन्न १२ र १३ औं वार्षिक साधारणले संस्थापक सेयरधनीबाट ४ र सर्वसाधारण सेयरधनीको तर्फबाट २ जना गरी ६ जना सञ्चालक चयन गरेको हो ।
सभाबाट संस्थापक सेयरधनीहरुको तर्फबाट सुदिप खड्का, रजनी थापा, सुदिप राज गौतम र विजि ग्रुपकाे प्रतिनिधि सुनिल केसी र सर्वसाधारण सेयरधनीबाट दल बहादुर विष्ट र श्याम प्रसाद खतिवडा निर्वाचित भएका हुन् । । यस्तै, आजै बसेको सञ्चालक समितिको बैठकले सुदिप खड्कालाई सर्वसम्मत रुपमा प्रवन्ध सञ्चालकमा चयन गरेको छ । नव निर्वाचित सञ्चालकहरुको कार्यकाल ४ वर्षको लागि हुनेछ ।
सिङ्गटी हाइड्रो इनर्जी लिमिटेडले दुई वर्षदेखि निरन्तर विद्युत उत्पादन गरिरहेको छ । यो आयोजनाबाट २५ मेगावाट क्षमताको विधुत उत्पादन हुन्छ । आयोजनामा ३० प्रतिशत स्वामित्व सर्वसाधारणको रहेको छ ।
