नेपाल पूर्वाधार 
काठमाडौं । मलेसियालाई नवीकरणीय ऊर्जाका परियोजनामा लगानी गर्न ३७५ देखि ४१४ बिलियन अमेरिकी डलरसम्म लगानी आवश्यक पर्ने भएको छ । सन् २०५० सम्ममा कार्बन उत्सर्जन शून्यमा सार्झ निर्धारण गरिएको लक्ष्य भेट्टाउन नवीकरणीय ऊर्जाका पूर्वाधार परियोजनामा लगानीका लागि यति ठूलो लगानी चाहिने भएको हो ।
कार्बन उत्सर्जन घटाउँदै शून्यमा पुर्याउन नवीकरणीय ऊर्जामा अहिले भइरहेको लगानीमा दुई गुणा बढी लगानी थप्नु पर्ने आवश्यकता देखिएको अन्तर्राष्ट्रिय नवीकरणीय ऊर्जा एजेन्सी (आइआरइएनए) ले सार्वजनिक गरेको रिर्पोटमा जनाइएको छ ।
दक्षिण एसियाली देशले सन् २०३० सम्ममा कार्बन उत्सर्जन उल्लेख्य मात्रामा कम गर्ने र सन् २०५० सम्ममा शून्यमा झार्ने लक्ष्य लिएका छन् । अहिलेसम्म नवीकरणीय ऊर्जाको क्षेत्रमा मलेसियाले गरेको लगानी कार्बन उत्सर्जन शून्यमा पुर्याउने लक्ष्य पूरा गर्न कठिन भएको हुँदा यसलाई बढाउनु पर्ने आवश्यकता देखिएको आइआरइएनएका सञ्चालक फ्रान्सेस्को ला कामेराले बताए ।
बढ्दो जनसंख्या तथा ऊर्जाको खपतमा भइरहेको वृद्धिका कारण सन् २०५० सम्म पुग्दा मलेसियाको वार्षिक कार्बन उत्सर्जन २८० मिलियन टन पुग्ने आइआरइएनएले सार्वजनिक गरेको रिर्पोटमा जनाइएको छ । मलेसियाले अहिले सौर्य तथा बायोमास लगायतको नवीकरणीय ऊर्जा उत्पादन गर्छ । यो उत्पादन उसले खपत गर्ने ऊर्जाको सानो हिस्स मात्रै हो ।
अहिले उपयोग भइरहेको कूल ऊर्जाको ठूलो हिस्सा कोइला र ग्यास जस्ता पेट्रोलियम ऊर्जाले लिएको छ । कोइला र पेट्रोलियम ऊर्जाको खपत कम गर्न अहिले भइरहेको लगानीमा दुई गुणा बढी थप गरेर नवीकरणीय ऊर्जाका पूर्वाधार परियोजनामा लगानी गरिनुपर्ने आइआरइएनएले जनाएको छ ।
मलेसियाले अहिलेसम्म नवीकरणीय ऊर्जामा गरेको लगानी १५९ बिलियन अमेरिकी डलर लगानी गरेको छ । आइआरइएनएको रिर्पोट अनुसार नवीकरणीय ऊर्जाको जडित क्षमता बढाउने, विद्युतीय पूर्वाधार निर्माण गर्ने तथा ऊर्जा दक्षताका लागि अहिले भइरहेको भन्दा दोब्बर बढी लगानी आवश्यक पर्नेछ ।
यो रकम जलविद्युत, सौर्र्य तथा वायु ऊर्जा र हरित हाइड्रोजन उत्पादनमा खर्च गरिनेछ । नवीकरणीय ऊर्जामा अहिले भइरहेको लगानीमा दोब्बर लगानी थप गर्न सकेमा कार्बन उत्सर्जन ६० प्रतिशतसम्म घटाउन सकिने आइआरइएनएको रिर्पोटमा भनिएको छ ।
कार्बन उत्सर्जन ६० प्रतिशतसम्म घटाउँदा वार्षिकरूपमा ९ देखि १३ बिलियन अमेरिकी डलर बराबरको ऊर्जा सञ्चित हुनुका साथै स्वास्थ्य क्षेत्रमा हुँदै आएको खर्च कटौती गर्न सकिने पनि रिर्पोटमा जनाइएको छ । साथै, पेट्रोलियम ऊर्जामा हुँदै आएको खर्चको ठूलो हिस्स पनि कटौती गर्न सम्भव हुनेछ । कार्बन उत्सर्जन शूल्यमा झार्ने लक्ष्य पूरा गर्न निजी लगानीकर्ता र विदेशी लगानीलाई पनि प्रोत्साहन गर्नुपर्ने रिर्पोटमा जनाइएको छ ।
अन्तर्राष्ट्रिय समाचार एजेन्सीहरूको सहयोगमा अनुवाद
