Nepal Purbadhar

बुधबार, अशोज १२, २०७९
Wednesday, September 28, 2022

बुधबार, अशोज १२, २०७९
Wednesday, September 28, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

त्रिशूली-३ ‘बी’-कालीकास्थान प्रसारण लाइन निर्माण हुने


काठमाडौं । नेपाल विद्युत प्राधिकरणले ३३ केभी त्रिशूली–३ ‘बी’–कालिकास्थान प्रसारण लाइन निर्माण गर्ने भएको छ । प्राधिकरणले नुवाकोटको त्रिशूली–३ ‘बी’ हब सबस्टेसनदेखि रसुवाको कालिकास्थानसम्म ५ किलोमिटर सिंगल सर्किट प्रसारण लाइन निर्माण गर्न लागेको हो ।

विद्युत विकास विभागले प्रस्तावित प्रसारण लाइन निर्माण गर्न विद्युत प्राधिकरणलाई अनुमति दिने तयारी गरेको छ । विभागले प्रसारण लाइन निर्माणको अनुमतिपत्र दिनुअघि यो लाइन निर्माण तथा सञ्चालन गर्दा प्रतिकुल असर पर्न सक्ने भएमा त्यस सम्बन्धमा राय/सुझाव बुझाउन सम्बन्धित सरोकारवाला समक्ष आग्रह गरेको छ ।

विभागले अबको ३५ दिनभित्र प्राप्त भइसक्ने गरी प्रसारण लाइनले पार्न सक्ने प्रतिकुल प्रभावबारे राय/सुझाव पेश गर्न भनेको छ । सरोकारवालाहरूको राय/तथा सुझावका आधारमा प्राधिकरणलाई प्रसारण लाइन निर्माणको अनुमति दिइने विभागले जनाएको छ ।

यो प्रसारण लाइन निर्माण हुँदा ८ मेगावाटसम्म विद्युत प्रवाह गर्न सकिनेछ । प्रसारण लाइनको रुट त्रिशूली-३ ‘बी’ हब सबस्टेसनदेखि कुवापानी, धैबुङ्ग, स्वारा हुँदै रसुवाको कालिका गाउँपालिकामा प्रस्तावित कालीकास्थान सबस्टेसनसम्म रहने विभागले जारी गरेको ३५ दिने सूचनामा जनाइएको छ ।
प्रसारण लाइनको रुटमा ३३ केभी का १२० वटा टावर निर्माण गरिनेछ ।

यो प्रसारण लाइन निर्माण हुँदा रसुवामा निर्माण हुने जलविद्युत आयोजनाको विद्युत त्रिशूली-३ ‘बी’ हब सबस्टेसनसम्म ल्याउन सकिनेछ । प्राधिकरणले अनुमतिपत्र प्राप्त भएपछि प्रसारण लाइन आयोजनाको संरचना निर्माणको काम सुरु गर्नेछ ।


Read Previous

संयुक्त पश्चिम सेती आयोजना अघि बढाउन वार्ता सुरु

Read Next

बेनिघाटदेखि लार्केभञ्ज्यांङसम्मको १८ किलोमिटर सडक सेनाले गर्यो हस्तान्तरण

Leave a Reply

Your email address will not be published.