Nepal Purbadhar

मङ्लबार, अशोज ११, २०७९
Tuesday, September 27, 2022

मङ्लबार, अशोज ११, २०७९
Tuesday, September 27, 2022
बजेट पारदर्शितामा नेपाल १२ स्थान तल झर्यो, नागरिक सहभागितामा भने दक्षिण एशियामै उत्कृष्ट अवस्था ठिक नभएका २५ सवारी साधन ट्राफिक प्रहरीको कारवाहीमा, १४ नियन्त्रणमा कोषले हिमाल दोलखा हाइड्रोपावरको हकप्रद शेयरको प्रत्याभुति गर्ने हरित हाइड्रोजनमा लगानी भित्र्याउन ‘नेपाल ग्रीन हाइड्रोजन समीट’ गर्दैछाैंः घले पश्चिम सेती अध्ययन अनुमतिपत्रका लागि भारतीय कम्पनीको आवेदन निजी क्षेत्रलाई विद्युत व्यापारको अनुमति दिन अध्यादेश (यस्ता छन् विद्युत व्यापारका प्रावधानहरु) कोटेश्वर–सूर्यविनायक सडकमा प्राधिकरणले जोड्यो स्मार्ट बत्ती, झिलिमिली बन्यो सडक २ अर्ब बढी लगानीमा भरतपुर महानगरकाे ढल व्यवस्थापन गरिने

एक सय रुपैयाँ कमाउन ७३ रुपैयाँ लगानी गर्नुपर्ने


काठमाडौं । केन्द्रिय तथ्यांक विभागले सार्वजननिक गरेको सर्वेक्षणले औद्योगिक प्रतिष्ठानले औसतमा १ सय रुपैयाँ कमाउन ७० रुपैयाँ लगानी गर्नुपर्ने देखाएको छ । यो अघिल्लो पटकको भन्दा न्यून हो ।

२०६९ मा औद्योगिक प्रतिष्ठानको लागत उत्पादन अनुपात ७५ रुपैयाँ बराबर १ सय रुपैयाँ थियो । क्षेत्रगत रुपमा भने खानी तथा उत्खनन् क्षेत्रमा २७ रुपैयाँ लगानी गर्दा १ सय रुपैयाँ कमाइ हुने देखाएको छ । त्यस्तै, सबैभन्दा बढी औद्योगिक उत्पादन क्षेत्रमा ७२ रुपैयाँ र विद्युत ग्याँस, बाफ तथा वातानुकुलित सेवा क्षेत्रमा ६८ रुपैयाँ लगानी गर्नुपर्छ । पानीको आपूर्ति, ढलनिकास, फोहोर व्यवस्थापन क्षेत्रमा भने १ सय रुपैयाँ कमाउन ५४ रुपैयाँ लगानी गर्नुपर्नेछ ।

उद्योग प्रतिष्ठानले वार्षिक १ खर्ब ७ अर्ब तलबमा गर्छन खर्च

सर्वेक्षणअनुसार देशका कुल ६० हजार १८५ उद्योग प्रतिष्ठानहरुले आफ्नो उद्योगमा कार्यरत तलबी रोजगारहरुलाई तलब÷ज्याला तथा सुविधामा वार्षिक १ खर्ब ७ अर्ब ८९ करोड रुपैयाँ खर्च गर्ने देखिएको छ । यो प्रतिष्ठानहरुले देशभर उद्योगमा काम गर्ने ३ लाख ८१ हजार ६८७ जनालाई दिने रकम हो । तलबमा खर्च गर्नेमा सबेभन्दा अगाडी औद्योगिक उत्पादन क्षेत्रमा ९५ अर्व ७७ करोड खर्च हुने गरेको छ । त्यस्तै, खानी तथा उत्खनन् क्षेत्रमा करिब १ अर्ब ८० करोड, विद्युत ग्याँस, बाफ तथा वातानुकुलित सेवा क्षेत्रमा ६ अर्ब ९२ करोड र पानीके आपूर्ति, ढलनिकास, फोहोर व्यवस्थापन क्षेत्रमा ३ अर्ब ४० करोड रुपैयाँ कामदारको तलब ज्याला तथा सुविधामा खर्च हुने देखिएको हो ।

साढे ८ खर्ब लगानी गर्दा १२ खर्ब मूल्यको वस्तु तथा सेवा उत्पादन

तथ्यांक विभागले औद्योगिक क्षेत्रका चारवटै औद्योगिक प्रतिष्ठानहरुले करिव ८ खर्व ४६ अर्ब ६६ करोड मूल्य बराबरको लगानी गर्दा १२ खर्व १ अर्ब १७ करोड मूल्य बराबरको बस्तु तथा सेवा उत्पादन गरेको तथांक सार्वजनिक गरेको गरेको छ । यस हिसावले यी चारवटै क्षेत्रका औद्योगिक प्रतिष्ठानहरुले नेपालको अर्थतन्त्रमा ३ खर्व ५४ अर्ब ५१ करोड बराबरको मूल्य अभिवृद्धि गरेको देखिएको छ । यस सर्वेक्षणको सन्दर्भ वर्ष २०७५÷७६ को आधारमा निकालिएको तथ्यांक हो ।

कुल उद्योगमध्ये ७६ प्रतिशत २७० दिन मात्र सञ्चालन

देशभरका कुल उद्योगमध्ये औद्योगिक क्षेत्रका चारवटै औद्योगिक प्रतिष्ठानहरुमध्ये ७६ प्रतिशत मात्र २७० दिन वा सो भन्दा बढी दिन संचालन भएको देखिएको छ । यसैगरी १९ प्रतिशत उद्योग प्रतिष्ठानहरु १८० देखि २६९ दिन, ४ प्रतिशत उद्योग प्रतिष्ठानहरु ९० देखि १७९ र बाँकी १ प्रतिशत उद्योग प्रतिष्ठानहरु ९० भन्दा कम दिन संचालन भएको देखिएको छ । यस सर्वेक्षणको सन्दर्भ अवधि आर्थिक वर्ष २०७५÷७६ लाई लिइएको हो । सन्दर्भ अवधी भन्नाले सर्वेक्षण गरिएको समायावधी हो ।

४० प्रतिशत उद्योगको मात्र पूर्ण क्षमतामा सञ्चालन

औद्योगिक क्षेत्रका चारवटै औद्योगिक प्रतिष्ठानहरु मध्ये ३९ दशमलव ९ प्रतिशत उद्योग प्रतिष्ठानहरुले मात्र उत्पादन क्षमताको पूर्ण उपयोग गरेको देखिएको छ । यसैगरी १८ दशमलव ७४ प्रतिशत उद्योग प्रतिष्ठानहरुले उत्पादन क्षमताको ७५–९९ प्रतिशत, २९ दशमलव १ प्रतिशत उद्योग प्रतिष्ठानहरुले उत्पादन क्षमताको ५० दशमलव ७ प्रतिशत, १० दशमलव ३ प्रतिशत, उद्योग प्रतिष्ठानहरुले उत्पादन क्षमताको २५ देखि ४९ प्रतिशत र बाँकीले २५ प्रतिशत भन्दा कम उपयोग गरेको देखिन्छ । उद्योगहरु पूर्ण क्षमतामा नचल्नुको कारण बजार वा मागको कमीका कारण भएको ४६ प्रतिशत, कच्चा पदार्थको अपार्यप्तताका कारण १० प्रतिशत, स्रोतको कमीका कारण ८ प्रतिशत, सीपमुलक कामदारको अभावका कारण ८ प्रतिशत रहेका छन् ।

६० प्रतिशत साना उत्पादनशील उद्योग प्रतिष्ठानले कर्जा नपाउने

साना उत्पादनशिल औद्योगीक प्रतिष्ठान भन्नाले १० जना भन्दा कम व्यक्तिहरु संलग्न भएका उद्योग भन्ने बुझ्नुपर्छ । साना उत्पादनशील औद्योगिक प्रतिष्ठानमध्ये करिव ३४ प्रतिशतले मात्र वित्तीय संस्थाहरुसँग ऋण लिएको देखिएको छ । त्यस्तै, १४ ले ऋणको प्रतिबद्धता प्राप्त गरेको देखिन्छ । ५ प्रतिशत ऋण लिन प्रक्रियामा रहेको र ६० प्रतिशतले ऋण नभएको वा नलिएको र लिन प्रक्रियामा पनि नभएको बताएका छन् ।

पहिलो पटक ४ क्षेत्रलाई समेटेर औद्योगिक सर्वेक्षण

नेपालम २०२२ सालदेखि राष्ट्रिय औद्योगिक गणना थालिएको हो । पछिल्लो पटक २०६९ मा दशौं औद्योगिक गणना सञ्चालन गरेको थियो । दशौं औद्योगिक सर्वेक्षणसम्म नेपाल स्थरीय औद्योगिक वर्गीकरणको खण्ड ‘सी’ अन्तर्गत पर्ने उत्पादनशील उद्योगहरु मात्र समेटिने गरिएको थियो । यसपटकको सर्वेक्षणमा भने तीन वटा क्षेत्र थप गरिएको छ । तीनमा खण्ड बी को खानी तथा उत्खनन्, डी को विद्युत्, ग्याँस, बाफ तथा वातानुकुलित सेवा र डी खण्डमा पर्ने पानीको आपूर्ति, ढलनिकास, फोहोर व्यवस्थापन र त्यसको उपचारात्मक त्रियाकलापलाई समेटिएको छ । त्यस्तै, नेपाल स्तरीय औद्योगिक वर्गीकरणमा समावेस भएका चारै औद्योगिक क्रियाकलापहरुमा पर्ने सबै ठूला र साना उद्योग प्रतिष्ठाहरुलाई समावेस गरिएको छ ।


Read Previous

देशभर औद्योगिक प्रतिष्ठानमा ५ लाख संलग्न, करिब ४ लाखलाई रोजगारी

Read Next

आगामी ३ साउनमा हुन गईरहेको ६० औं इञ्जिनियर दिवसको पूर्वसन्ध्यामा शनिबार आयोजित म्याराथन प्रतियोगिताको झलक

Leave a Reply

Your email address will not be published.