नेपाल पूर्वाधार 
काठमाडौ । सरकारले प्रति लिटर पेट्रोलमा २० रुपैयाँ र डिजेलमा २८ रुपैयाँ मूल्य घटाउने घोषणा गरेको छ ।
पेट्रोल प्रतिलिटर १९९ रुपैयाँ र डिजेल/मट्टितेल प्रतिलिटर १९२ रुपैयाँ पुगेसँगै बजारमा महंगी अचाक्ली बढेसँगै सरकारको आलोचना भईरहेको बेला सरकारले मुल्य घटाउने घोषणा गरेको हो ।
बिहान प्रधानमन्त्री निवास वालुवाटारमा बसेको सत्ता गठबन्धनको बैठकले सरकारलाई मुल्य घटाउन निर्देशन दिएको थियो । सरकारले पेट्रोलियम पदार्थमा लगाउँदै आएको कर कटौती गरेर इन्धनको मुल्य घटाइएको उद्योग वाणिज्य तथा आपूर्तिमन्त्री दिलेन्द्रप्रसाद बडूले जानकारी दिए ।
उनका अनुसार, २० र २८ रुपैयाँ घटेसँगै प्रटि लिटर पेट्रोल १७९ र डिजेल प्रतिलिटर १६३ रुपैयाँमा झर्ने भएको छ तर सो कार्यान्यन भने नेपाल आयल निगमले शनिबार राती १२ बजेदेखि लागू हुने जनाएको छ ।
पछिल्लो पटक एक पटक पेट्रोलमा २० र डिजेलमा २८ रुपैयाँ बढेपछि अहिले सर्वसाधारणलाई असर पर्ने भन्दै कर हटाएर भएपनि मुल्य घटाउन सरकारमाथि दबाब परेको थियो । मुल्य वृद्धिसँगै सवारी साधनदेखि बजारमा समेत मुल्य वृद्धि भएको थियो ।
