Nepal Purbadhar

मङ्लबार, माघ १७, २०७९
Tuesday, January 31, 2023

मङ्लबार, माघ १७, २०७९
Tuesday, January 31, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

व्यवसायिक प्रयोजनले निर्माण गरिएका ३ सय ४४ ठूला बायोग्यास प्लान्ट सञ्चालनमा


काठमाडौं । बढ्दो आयातित एपि ग्यास प्रतिस्थापन तथा खेतबारीका लागि प्राङ्गारिक मल उत्पादन गर्ने उद्देश्यले फोहोरको उपयोग हुने गरी निर्माण गरिएका ३ सय ४४ ठूला बायोग्यास प्लान्ट सञ्चालनमा आएका छन् । वैकल्पिक ऊर्जा प्रवर्द्धन केन्द्रको अनुदान सहायता एवं सम्बन्धित जिल्लाका महानगर, उपमहानगर र नगरपालिकाहरूको प्रत्यक्ष संलग्नता रही निजी क्षेत्रकोसमेत लगानीमा निर्माण गरिएका यी ठूला बायोग्यास प्लान्ट सञ्चालनमा ल्याइएको हो ।

सरकार र विश्व बैंकको सहकार्यमा सुरु गरेको ‘नवीकरणीय ऊर्जा विस्तार कार्यक्रम’ अन्तर्गत स्थानीय तह र निजी क्षेत्रको समेत संलग्नतामा ठूला बायोग्यास प्लान्ट निर्माण गरिएको हो । अनुदान सहायत तथा स्थानीय तह एवं निजी क्षेत्रको प्रत्यक्ष संलग्नतामा अहिलेसम्म देशभरका ४० जिल्लामा ठूला बायोग्यास प्लान्ट निर्माण भई सञ्चालनमा आइसकेको केन्द्रले जनाएको छ ।

केन्द्रका अनुसार सबैभन्दा बढी ५० वटा ठूला बायोग्यास प्लान्टको प्रविधि सुनसरी जिल्लामा जडान गरिएको छ । मोरङमा ४१ वटा ठूला बायोग्यास प्लान्ट जडान भई सञ्चालनमा छन् । कास्की जिल्लामा ३८ वटा ठूला बायोग्यास प्लान्ट जडान हुँदा झापामा ३४ वटा, काठमाडौंमा ३१ वटा र तनहुँमा १८ वटा जडान भएको केन्द्रको तथ्यांकमा उल्लेख छ ।

यस्तै, चितवनमा १३, लमजुङमा १२ तथा काभ्रे र ललितपुरमा १०/१० वटा बायोग्याल प्लान्ट तयार भई सञ्चालनमा आइसकेका छन् । सबैभन्दा कम प्युनठान, ताप्लेजुङ, उदयपुर, नुवाकोट, बर्दिया, धादिङ, दोलखा र इलामा १/१ वटा ठूला बायोग्यास प्लान्ट निर्माण गरिएको छ ।

करौडौं रुपैयाँ लगानीमा निर्माण भएका यी बायोग्यास प्लान्टले ग्सास एवं प्राङ्गारिक मल उत्पादन गरिरहेका छन् । ठूला बायोग्यास प्लान्टबाट उत्पादन भएको ग्यास स्थानीय क्षेत्रमा बिक्री वितरण हुने गरेको छ । केही बायोग्यास प्लान्टले उत्पादन गर्ने ग्यास पाइपलाइनबाट स्थानीयको घर–घरमा पुर्याइएको छ भने कहीं सिलिन्डरमा भरेर होटल तथा रेष्टुरेन्टहरूमा दिने गरिएको छ ।

व्यापारिक प्रयोजनले निर्माण भएका ठूला बायोग्यास प्लान्ट सञ्चालनमा आउँदा आयातित ग्यास प्रतिस्थापनमा सहयोग पुग्नुका साथै कार्बन उत्सर्जनमा कमी आई जलवायु परिवर्तनको असर न्युनिकरणमा पनि योगदान पुगिरहेको छ ।

सरकारले नवीकरणीय ऊर्जा अन्तर्गत राखेर फोहोरको उपयोग हुने ठूला बायोग्यासको विकासलाई महत्त्व दिएपछि यस्ता परियोजनमा लगानी पनि बढ्दै गइरहेको छ । बढ्दो सहरीकरणका कारण फोहोर व्यवस्थापन चुनौतीपूर्ण बनिरहेका बेला कुहिने फोहोरको उपयोगबाट ठूला बायोग्यास प्लान्ट निर्माण गरी सञ्चालनमा ल्याउनु उत्तम विकल्प मानिएको छ ।

व्यापारिक प्रयोजनले निर्माण गरिएका ठूला बायोग्यास प्लान्टमा गाई भैंसीको गोबर, कुखुराको सुली, सुँगुर/बंगुर फार्मको फोहोर, घरको भान्छाबाट निस्कने फोहोरको उपयोग हुँदै आएको छ ।

घरायसी प्रयोजनका लागि देशभरमा ४ लाख ३१ बायोग्यास प्रविधि जडान भएको केन्द्रले जनाएको छ । केन्द्रले विभिन्न देशका विकास साझेदार निकायहरूसँगको सहकार्यमा ग्रामीण घरधुरीमा बायोग्यास प्रविधि जडान गरेको हो ।

देशभरका ७७ वटै जिल्लामा घरायसी बायोग्यास प्रविधि पुगिसकेको केन्द्रको तथ्यांकमा उल्लेख छ । घरमा पालिने पशु चौपायाको फोहोर उपयोग गरी उत्पादन हुने बायोग्यास ग्रामीण भान्छामा उपयोग हुने गर्दछ ।


Read Previous

बञ्चरेडाडाँ क्षेत्रका ५ सडकलाई साढे ४२ करोड विनियोजनको प्रतिवद्धता, मंगलबारदेखि काठमाडौको फोहोर उठाउने सहमति

Read Next

अहिले नै सबै सवारी साधनलाई इम्बोस्ड नम्बर प्लेट अनिवार्य होइनः विभाग

Leave a Reply

Your email address will not be published.