नेपाल पूर्वाधार काठमाडौं । नाराणयगढ-मुग्लिन सडकको तुइन खोलामा भीषण पहिरो जादा राजमार्ग अवरुद्ध बनेको छ । चितवनको इच्छाकामना गाउँपालिका-५ तुइनखोलास्थित सडकमा माथिबाट ठूलो सुख्खा पहिरो निरन्तर खसी रहेकोले दुईतर्फ सडक अवरुद्ध भएको छ।
तुइनखोलामा शुक्रबार साँझ ६:०० बजेदेखि निरन्तर खुक्खा पहिरो खसिरहेको छ । निरन्तर खसेको सुक्खा पहिरो पन्छाएर राजमार्ग खुलाइए पनि मंगलबार अपरान्ह फेरि सुक्खा पहिरो खसेको हो ।
सडक विभागका अनुसार पहिरोका कारण राजमार्ग पूर्ण रुपमा अवरुद्ध छ । विभागका सहसचिव प्रभात झाका अनुसार अहिले वैकल्पिक रुट व्यवस्थापनको काम भइरहेको छ । यो पहिरो हटाउन २ दिन लाग्ने अनुमान गरिएको छ।
