नेपाल पूर्वाधार 
काठमाडौं । आइतबार बसेको मन्त्रिपरिषद्को बैठकले नेपाल विद्युत प्राधिकरणका कार्यकारी निर्देशक हितेन्द्र देव शाक्यलाई जल तथा ऊर्जा आयोग सरुवा गर्ने निर्णय भयो ।
चौतर्फी रुपमा हटाएको भन्दै चर्चा भएपनि उनलाई सरकारले जल तथा ऊर्जा आयोगको विशिष्ट श्रेणीको सदस्य पदको जिम्मेवारी दिएको हो । उनको विज्ञतालाई ख्याल गर्दै ऊर्जा आयोगको जिम्मेवारी दिइएको हो ।
उनले प्राधिकरणको कार्यकारी निर्देशक हुँदा खाइपाइ आएको सेवा सुविधा नघट्ने गरी आयोगको सचिव सरह विज्ञ सदस्य बनाउने निर्णय गरिएको छ ।
त्यसो भने उनले कति पाउँछन् तलब भत्ता ?
उनले मासिक तलब ७३ हजार ७३० रुपैयाँ पाउनेछन् । व्यवसायिक भत्ता २ लाख २१ हजार १९० रुपैयाँ पाउनेछन् । कुल उनले २ लाख ९४ हजार ९२० रुपैयाँ पाउनेछन् ।
