नेपाल पूर्वाधार 
काठमाडौं । विश्व प्रख्यात एआई च्याटबट च्याटजीपिटीमा प्यारेन्टल कन्ट्रोल (अभिभावकको नियन्त्रण) सुविधा थपिने भएको छ ।
ओपनएआईले आफ्नो च्याटबट च्याटजीपिटीका लागि नयाँ प्यारेन्टल कन्ट्रोल र आपत्तकालिन सम्पर्कजस्ता सुविधाहरू थप्न लागेको हो । कम्पनीले आफ्नो च्याटबटमा १८ वर्षभन्दा कम उमेरका बालबालिकाका लागि अतिरिक्त सुरक्षा दिने सुविधासमेत थप्न लागेको छ ।
ओपनएआईले यो फैसला एक युवाको आत्महत्याका लागि च्याटजिपिटीले उक्साएको भन्दै मुद्दा दर्ता भएपछि लिएको हो । उक्त आत्महत्या अमेरिकाको क्यालिफोर्नियामा भएको थियो ।
मृतक युवकका बुबा आमा म्याथ्यु र मारिया राइनले २६ अगस्टमा अमेरिकाको सेन फ्रान्सिस्को राज्य अदालतमा ओपन एआई र यसका संस्थापन सेम अल्टमेनका विरुद्धमा मुद्दा दायर गरेका थिए । १६ वर्षिया एडम राइनलाई ओपन एआईको च्याटबट च्याटजीपिटीले आत्महत्याको तरिका सिकाएको र आत्महत्याका लागि प्रेरित गरेको भन्दै उनका बुबाआमाले अदालतमा मुद्दा दायर गरेका हुन् ।
