नेपाल पूर्वाधार 
काठमाडौं । साताको पहिलो कारोबार दिनमा सेयर बजारमा गिरावट देखिएको छ ।
आइतबार सेयर बजार १८.०२ अंकले घटेको हो । बजारमा गिरावट देखिएसँगै नेप्से परिसूचक २७३९.९५ अंकमा पुगेर कारोबार बन्द भएको छ ।
कारोबार सुरूवात भएको केही समयमा बढेर २७७० अंकमा पुगेको नेप्से त्यसपछि भने निरन्तर गिरावट भएर कारोबार बन्द हुँदा २७३९.९५ को बिन्दुमा पुगेको हो ।
आइतबार २०८ कम्पनीको सेयर मूल्यमा गिरावट हुँदा ४१ वटा कम्पनीको मृल्यमा भने बृद्धि भएको थियो ।
परिसूचकमा गिरावट आउँदा कारोबार रकममा भने बृद्धि भएको छ । अघिल्लो कारोबार दिनमा ५ अर्ब २ करोड रुपैयाँको कारोबार भएकोमा आइतबार ६ अर्ब ५४ करोड रुपैयाँको कारोबार भएको छ ।
Facebook Comments
