नेपाल पूर्वाधार 
काठमाडौं । भारत सरकारले नेपालका दुइ जलविद्युत आयोजनाबाट उत्पादन भएको ८० मेगावाट विद्युत खरिदका लागि सहमित प्रदान गरेको छ ।
यस अघि अनुमति प्राप्त १०१०.९ मेगावाट र थपिएको ८०मेगावाट गरि कुल भारत निर्यात क्षमता १०९०.९ मेगावाट पुगेको छ भने बगलादेश निर्यातको ४० मेगावाट सहित नेपालको कुल निर्यात स्विकृति ११३०.९ मेगावाट पुगेको छ ।
पछिल्लो पटक श्रावण २६ गते भारत सरकारले २०० मेगावाटको लागि अनुमति प्रदान गरेकोमा भाद्र ५ गते थप ८० मेगावाटका लागि अनुमति प्रदान गरेको हो ।
द्धिपक्षीय सम्झौता अन्तर्गत मध्यम अवधिका लागि प्राप्त अनुमति २१ अगस्ट २०२५ देखि ३१ अक्टोबर २०२६ सम्मको लागि हो भने यो अनुमति मेवा खोला ४८.५ मेगावाट र करुवा सेति हाइड्रो पावर ३१.०४ मेगावाटका लागि हो ।
