सडक सुरक्षा चुनौती बनी रहेको छ: यातायात मन्त्री दाहाल 

काठमाडौं । भौतिक पुर्वाधार तथा यातायात मन्त्री देवेन्द्र दहालले सडक निर्माण र विस्तारसंगै सडक सुरक्षा चुनौती बनी रहेको बताएका छन् ।

आइतबार ललितपुरमा नेपाल अटोमोबाइल एसोसिएसन नेपाल – नासाले आयोजना गरेको अटोमोबाइल तथा मोबिलिटी पोलिसी बारेको २ दिने कार्यक्रमको समापन समारोहमा उनले सडक संजाल बिस्तारको क्रममा सडक सुरक्षाको विषयलाई अनिवार्य समेटिने गरेको पनि बताए ।

नेपालको भौगोलिक तथा धरातलिय विशिस्टताका कारण पनि सडक सुरक्षाको विसयमा सम्झौता गर्न नहुने मन्त्री दहालले बताए । 
सडक सुरक्षालाई कानुनी रुपमा स्थापित गर्न सडक सुरक्षा ऐन बनाउने काम अन्तिम चरणमा पुगेको उनले जानकारी दिए । 
कार्यक्रममा मोरङका शेखरचन्द्र  राइलाइ सडक सुरक्षा अवार्ड प्रदान गरियो । 
दुई दिनको कार्यक्रमको अवधिमा विभिन्न कार्यपत्रहरु माथी छलफल भएको आयोजक सस्थाका कार्यकारी निर्देशक गोविन्द भट्टराईले जानकारी दिए ।
सोही कार्यक्रममा मन्त्री दहालले नेपालमा विध्युतिय सवारीको बारेमा शुरु हुने अनुसन्धानको शुभारम्भ पनि गरेका थिए ।