नेपाल पूर्वाधार 
काठमाडौं उपत्यकामा श्रावण कृष्ण चतुर्दशीका दिन मनाइने घण्टाकर्ण पर्व, जसलाई स्थानीय भाषामा गठांमुगाको पर्व पनि भनिन्छ, परम्परागत रूपमा दुष्ट आत्माहरूलाई हटाउने र समुदाय शुद्धिकरण गर्ने उद्देश्यले मनाइन्छ।
बाला चतुर्दशी, शिवरात्रि चतुर्दशी र पिशाच चतुर्दशीसँगै उपत्यकाका चार प्रमुख चतुर्दशी पर्वहरूमध्ये यो एक हो। यस दिन स्थानीयहरू काठ, पुआल र फलामको औजारहरू प्रयोग गरेर राक्षस घण्टाकर्णको पुत्ला बनाउँछन् र साँझपख सो पुत्ला जलाएर वा नदीमा फालेर पर्व समापन गर्छन्।
यसले असत्यमाथि सत्यको विजयको प्रतीक जनाउँछ। बालबालिकाहरू घरघरमा गएर पर्वका लागि पैसा संकलन गर्छन् भने गल्लीहरूमा लुतो झार्ने र बोक्सी भगाउने विश्वाससहित लहरो, फलामका डोका र अन्य संरचनाहरू टाँगिन्छ।
भक्तपुरमा पनि आज घण्टाकर्णको आकृति बनाइ छ्वाली बालेर घिसार्दै खोला र दोबाटोमा विसर्जन गरिएको छ ।
