नेपाल पूर्वाधार 
काठमाडौं । सिमरास्थित पाँच तारे होटल इच्छा सञ्चालन गर्ने होटल इच्छा लिमिटेडले ९ महिनामा १० करोड ८० लाख रुपैयाँको व्यापार गरेको छ ।
२०२५ को ९ महिनामा यो कम्पनीले १० करोड ८० लाख रुपैयाँको कारोबार गरेको हो ।
यसअघिका वर्षहरु हेर्दा २०२१ मा यो कम्पनीले २ करोड ४० लाख रुपैयाँको कारोबार गरेको थियो भने २०२२ मा ६ करोड रुपैयाँको कारोबार गरेको थियो । २०२३ मा यो कम्पनीको व्यापार १० करोड ८० लाख रुपैयाँ थियो ।
अघिल्लो वर्ष २०२४ मा भने यो कम्पनीले १७ करोड १० लाख रुपैयाँको व्यापार गरेको थियो । २०२५ को ९ महिनामा भने यो कम्पनीले १० करोड ८० लाख रुपैयाँको कारोबार गरेको छ ।
२०१५ मा खुलेको यो कम्पनी २०२४ मा पब्लिक कम्पनीमा रुपान्तरण भएको थियो । २०२३ अघि चार तारे होटलका रुपमा रहेको होटल इच्छा २०२३ पछि भने पाँच तारे होटलका रुपमा सुचिकृत भएको थियो । यो कम्पनीको प्रोमोटरमा इच्छाबहादुर घले तथा उनका परिवारलगायत रहेका छन् ।
