नेपाल पूर्वाधार 
काठमाडौं । बतास ट्रयाक्टर प्रालिले ९ महिनामा ४४ करोडभन्दा धेरैको व्यापार गरेको छ ।
२०२५ को सुरुवाती ९ महिनामा कम्पनीले ४४ करोड ३० लाख रुपैयाँको कारोबार गरेको हो ।
यसअघिका वर्षहरुको तुलनामा कम्पनीको व्यापारमा बृद्धि भएको देखिएको छ । २०२१ मा कम्पनीले ७५ करोडको व्यापार गरेको थियो भने २०२२ मा ७६ करोड २० लाख रुपैयाँको व्यापार गरेको थियो ।
तर २०२३ मा भने कम्पनीको व्यापारमा केही गिरावट आएर २६ करोड २० लाख रुपैयाँको व्यापार भएको थियो । २०२४ मा यसमा सुधार हुँदै व्यापार ३० करोड ५० लाख रुपैयाँमा सीमित भएको थियो ।
२०२५ को सुरुवाती ९ महिनामा भने कम्पनीले ४४ करोड ३० लाख रुपैयाँको व्यापार गरेको छ ।
बतास ट्रयाक्टर प्रालि सन् २०१६ मा सुरु भएको कम्पनी हो । यो कम्पनीले नेपालमा क्याटरपिलर कम्पनीका निर्णमा उपकरण, गोदरेज तथा प्रोपेल ब्रान्डका उपकरणहरुको आधिकारिक रुपमा बिक्री गर्दै आएको छ ।
नेपालको व्यापारिक समूह बतासकै एक भागका रुपमा रहेको यो कम्पनीमा बहुमत सेयर ६७ प्रतिशतको स्वामित्व बतास परिवारसँगै रहेको छ ।
व्यापारमा केही सुधार गरेको कम्पनीले हालका लागि १ अर्ब १३ करोड ६० लाख रुपैयाँको कर्जा सुविधाका लागि रेटिङ गराएको छ । रेटिङ एजेन्सी इक्रा नेपालले यो कम्पनीलाई ७४ करोड रुपैयाँको दीर्घकालिन कर्जा सुविधाका लागि एलबि र ३९ करोड ६० लाख रुपैयाँको अल्पकालिन कर्जा सुविधाका लागि ए फोर रेटिङ दिएको छ ।
