नेपाल पूर्वाधार 
काठमाडौं । बंगलादेशकी उपदस्थ प्रधानमन्त्री शेख हसिनाविरुद्ध पक्राउ पुर्जी जारी भएको छ ।
बंगलादेशको अन्तर्राष्ट्रिय अपराध न्यायाधीकरण अदालत (आईसीटी) ले आइतबार हसिनाविरुद्ध पक्राउ पूर्जी जारी गरेको हो । उनीविरुद्धको अभियोजनमाथि सुनवाइ सुरू भएको छ ।
बंगलादेशमा एक महिनासम्म चलेको विद्यार्थी आन्दोलनको क्रममा थुप्रैको ज्यान गएको थियो । गोली हान्न आदेश दिएका कारण थुप्रैको ज्यान गएको उनीविरुद्ध आरोप छ ।सोही आन्दोलनले उनलाई प्रधानमन्त्री पदबाट अपदस्थ गरेको थियो ।
आन्दोलन उत्कर्षमा पुगेपछि उनी हेलिकप्टर चढेर भारत भागेकी थिइन् । अहिले उनी भारतमै बस्दै आएकी छन् ।
