नेपाल पूर्वाधार 
काठमाडौं । नेपाल आयल निगमले पेट्राेलियम पदार्थकाे मूल्य समायाेजन गरेकाे छ । भारतीय आयल कर्पाेरेश (आइओसी) ले मंगलबार नयाँ मूल्य पठाएपिछ निगम सञ्चालक समितिकाे बैठकले पनि पेट्राेलियम पदार्थकाे मूल्य समायाेजन गरेकाे हाे ।
निगमका अनुसार डिजेल र मट्टितेलको प्रतिलिटर मूल्य घटाइएकाे छ । बुधबार बिहान १ बजेदेख लागू हुने गरी डिजेल र मट्टितेलको मूल्य प्रतिलिटर २ रुपैयाँ मूल्य घटाएकाे निगमले जनाएकाे छ ।
मूल्य समायाेजनपछि डिजेल/मट्टितेलको मूल्य पहिलो वर्गका लागि प्रतिलिटर १५६.५० रुपैयाँ पुगेकाे छ । दोस्रो वर्गका लागि याे मूल्य प्रतिलिटर १५८ रुपैयाँ र तेस्रो वर्गका लागि प्रतिलिटर १५९ रुपैयाँ भएकाे छ ।
आइओसीबाट मंगलबार प्राप्त नयाँ खरिद मूल्यअनुसार पेट्रोल र डिजेलको मूल्यमा प्रतिलिटर क्रमशः ०.०२ र २.४५ रुपैयाँले घटेको निगमले जनाएको छ । निगमले हवाई इन्धन (आन्तरिकतर्फ) प्रतिलिटर १ रुपैयाँ र हवाई इन्धन (अन्तर्राष्ट्रियतर्फ) प्रतिकिलोलिटर अमेरिकी डलर ७ ले वृद्धि गरेको छ ।
मूल्य बढेसँगै हवाई इन्धन (आन्तरिक)को मूल्य प्रतिलिटर १३७ र हवाई इन्धन (अन्तर्राष्ट्रिय)को मूल्य प्रतिलिटर अमेरिकी डलर १.०४२ पुगेको छ । पेट्रोल र खाना पकाउने एलपी ग्यासको मूल्य भने यथावत राखिएको निगमका प्रवक्ता मनोज ठाकुरले जानकारी दिए ।
