नेपाल पूर्वाधार 
काठमाडौं । प्रधानमन्त्री पुष्पकमल दाहालले एमसीसी परियोजनाको कार्यान्वयनले नेपालको अर्थतन्त्रमा सकारात्मक प्रभाव पार्ने बताएका छन् ।
बुधबार काठमाडौंमा आयोजित एमसीसी नेपाल कम्प्याक्ट थालनी भएको उपलक्ष्यमा आयोजित कार्यक्रममा बोल्दै प्रधानमन्त्रीले ऊर्जा र सडक पूर्वाधार निर्माणमा महत्वपूर्ण योगदान दिने उल्लेख गरे । ‘नेपालको जोड क्लिन र ग्रीण इनर्जीमा जोड छ, यही क्षेत्रमा अघि बढ्नको लागि पनि एमसीसी योजनाले सहयोग पुग्नेछ’ उनले भने ।
अर्थमन्त्री डा. प्रकास शरण महतले परियोजनाको ठेक्का प्रक्रियामा अनुमानित लागतभन्दा धेरै माग भएर आएको भए पनि त्यसलाई समाधान गरिने बताए । ‘परियोजनाको कुल म्याद ५ वर्ष छ, त्यो अवधिभित्रमा काम जसरी पनि सक्ने गरी गरिनेछ’ उनले भने ।
अर्थ मन्त्री डा. महतले आयोजनालाई समयसीमा भित्र सम्पन्न गर्नको लागि तदारुकताको साथ काम गरिने र कुनै पनि समस्या आएको खण्डमा पूर्ण प्रतिवद्धताको साथ समाधान गरी अघि बढ्ने उल्लेख गरे । ‘परियोजनालाई लिएर थालनीमा विवाद भए पनि अहिले विवादरहित रहेको र सत्तापक्ष र प्रतिपक्ष सबै राजनीतिक दलहरुसमेत सकारात्मक रहेका छन्’ उनले भने ।
एमसीसीकी प्रमुख कार्यकारी अधिकृत एलिस अलब्राइटले यो परियोजना धेरै पक्षबीचमा छलफल भएर कार्यान्वयनको चरणसम्म आएको बताइन् । ‘परियोजनाले २ करोड २० लाख मानिसलाई ऊर्जा पहुँच पु¥याउनको लागि सहयोग पुग्नेछ’ उनले भनिन ।
साथै नेपालमा उत्पादित विद्युत देशभित्र र अन्तरदेशीय व्यापारमा समेत महत्वपूर्ण भुमिका खेल्ने उल्लेख गरिन । ‘यसले मुलत एकिकृत र समावेशी विकासमा महत्वपूर्ण योगदान पुर्याउनेछ’ उनले भनिन । नेपाल र अमेरिकाबीच दुईपक्षीय सम्बन्ध स्थापना भएको ७५ वर्षको पुगेको र त्यसको अवसरमा यस्तो परियोजना कार्यान्वयनमा आउनु महत्वपूर्ण रहेको उल्लेख गरिन् ।
नेपालका लागि अमेरिकी राजदुत डिन रिचर्ड थोमसनले परियाजनाले नेपाली परिवार र देशको समग्र आर्थिक उन्नतीलाई सहयोग पुग्ने बताए ।
एमसीए नेपालका कार्यकारी निर्देशक खड्ग बहादुर विष्टले परियोजना कार्यान्वयनको लागि तयारीका धेरै काम सम्पन्न भइसकेको जानकारी गराए । परियोजनाले १० हजारभन्दा धेरैलाई रोजगारी दिनेछ, परियोजना बनेपनि हुने लाभ धेरै नै ठूलो छ’ उनले भने । धेरैतिर जग्गा प्राप्तिको काम भइरहेको र केही ठाउँहरुमा सम्पन्न भइसकेको जानकारी दिए ।
