नेपाल पूर्वाधार 
काठमाडौं । नेपालकै सबैभन्दा ठूलो पेन्ट तथा डेकोर कम्पनी एशियन पेन्ट्स नेपालले गठ्ठाघर, काठमाडौंमा रहेको अपूर्व इन्टरनेशनल प्रा.लि.मा आफ्नो Multi Catergory डेकोर शोरुम ‘ब्युटिफुल होम्स बुटिक’ सञ्चालनमा ल्याएको छ ।
‘एशियन पेन्ट्सको ब्युटिफुल होम्स बुटिक’ ग्राहकहरुलाई अत्याधुनिक प्राविधिकीय एकीकरणका साथ उत्कृष्ट किनमेलको अनुभव प्रदान गर्न तयार रहेको छ, जुन प्रविधिले ग्राहकहरुलाई उनीहरुको सपनाको घर निर्माण गर्न डिजाइन, परामर्श र कार्यान्वयनको बारेमा विस्तृत अनुभव प्रदान गर्नेछ । यो स्टोरको उद्घाटन एशियन पेन्ट्स लि.का प्रबन्ध निर्देशक तथा सिइओ श्री अमित सिंगलले गर्नु भएको थियो ।
१६०० वर्ग फिटमा फैलिएको यो नवीन ‘एशियन पेन्ट्सको ब्युटिफुल होम्स बुटिक’ नेपाली ग्राहकहरुका लागि आवश्यक पर्ने सम्पूर्ण डेकोरहरु एकै ठाऊँमा उपलब्ध भएको शोरुम हो । यो शोरुममा फेब्रिक्स र वाल पेपरहरुदेखि सर्वश्रेष्ठ इन्जिनियरिंङ्गका बाथरुम फिटिङहरु र स्यानिटरी सामग्रीहरु, नवीनतम पेन्ट र वाटरप्रुफिङ उत्पादनहरु, एवं अग्रगामी प्रविधिहरुको व्यवस्थापन छ जसबाट ग्राहकहरुले यी प्रोडक्टहरुको अनुभव लिन सक्नुहुन्छ ।
उद्घाटन समारोहमा आफ्नो मन्तव्य राख्दै अमित सिंगलले भन्नु भयो “नेपाल तीव्र गतिमा बढ्दो बजार हो, जहाँ ग्राहकहरुले लक्जरी होम डेकोर उत्पादनहरु, विधिहरु र प्रोत्साहन खोजीरहेका छन् र ग्राहकहरुको यो बढ्दो चाहनालाई सम्बोधन गर्न हामीले ग्राहकहरुको भावना र तिनको घरहरुसंगको गहिरो सम्बन्धलाई सम्मान गर्दै एउटै छाना मुनी सबै प्रकारका होम डेकोर सामानहरु उपलब्ध गराउने चेष्टा गरेका छौं ।”
एशियन पेन्ट्स र एशियन पेन्ट्स नेपाल
१९४२ मा यसको स्थापना भएदेखि, एशियन पेन्ट्सले INR ३४,४८ करोड (INR ३४५ बिलियन) को कारोबारको साथ भारतको अग्रणी र एशियाको दोस्रो ठूलो पेन्ट कम्पनी बन्नको सफल भएको छ । एशियन पेन्ट्स १५ वटा देशमा सञ्चालन छ र विश्वमा २७ वटा पेन्ट उत्पादन गर्ने सुविधा छ, जसले ६० भन्दा बढी देशहरूमा उपभोक्ताहरूलाई सेवा दिइरहेको छ । पेन्टहरू बाहेक, एशियन पेन्ट्सले अन्य घर र सम्बद्ध क्षेत्रहरू जस्तै फेब्रिक, वालपेपर, फर्निचर, लाइटिङ, UPVC, बाथ फिटिङ्स र सेनेटरीवेयर, मोड्युलर किचन र वार्डरोबहरूमा उद्यम गरेको छ।
एशियन पेन्ट्स नेपालको स्थापना ४ दशकअघि भएको थियो र नेपालमा सिलिकन शिल्ड, हाइड्रोलोक, कलर आइडियाज, सेफ पेन्टिङ सेवा, कलर नेक्स्ट र अहिले एशियन पेन्ट्स ब्युटिफुल होम्स स्टोर जस्ता नयाँ उत्पादन र अवधारणाहरू बजारमा प्रस्तुत गर्दै पेन्ट उद्योगमा अग्रणी रहँदै आएको छ । एशियन पेन्ट्सले भित्री र बाहिरी वालहरूको लागि सजावट प्रयोगको लागि पेन्टहरूको विस्तृत श्रृंखला उत्पादन गर्दछ । तिनीहरूको पोर्टफोलियोमा वाटरप्रूफिङको लागि स्मार्ट केयर रेन्ज, काठको फिनिसिङका लागि विशेष उत्पादनहरू र बाथ प्रोडक्टहरूको रेन्ज पनि समावेश छ।
