Nepal Purbadhar

मङ्लबार, माघ १७, २०७९
Tuesday, January 31, 2023

मङ्लबार, माघ १७, २०७९
Tuesday, January 31, 2023
यातायात मजदुरले बुझाए उपप्रधानमन्त्री श्रेष्ठलाई ज्ञापनपत्र दुई पाङ्ग्रे सवारी चलाउदा पछाडि बस्नेलाई पनि हेल्मेट अनिवार्य गर्ने तयारी अर्थ मन्त्रालयद्वारा साढे १० अर्ब बचत हुने गरी खर्च कटौती गर्ने निर्णय राष्ट्रिय गौरवका आयोजनाको कारुणिक तस्वीरः ३५ वर्षमा पनि नबन्दा साढे १२ सय प्रतिशतसम्म लागत वृद्धि (विस्तृतमा कुन परियोजनाको कति लागत बढ्यो ?) एकिकृत यातायात पूर्वाधार विकाससम्बन्धी अन्तर्राष्ट्रिय सम्मेलन यही हप्ता काठमाडौमा भैरहवाबाट ढाका उडान सुरु गर्न बंगलादेशका राजदूतसामू आग्रह ४ महिनामा इङ्वाखोलाको विद्युत प्रसारण प्रणालीमा आउँदै यस वर्ष विश्व मुद्रास्फीति दर ६.६ प्रतिशत पुग्ने आइएमएफको प्रक्षेपण

विद्युत उत्पादनको अनुमतिपत्र कसरी प्राप्त गर्ने ?


नेपालमा  जलविद्युत आयोजनाबाट विद्युत उत्पादनको अनुमतिपत्र प्राप्त गर्नुपूर्व विद्युत उत्पादनको सर्वेक्षण अनुमतिपत्र लिनुपर्छ । सर्वेक्षण अनुमतिपत्र पाएपछि आयोजनाकाे सर्वेक्षण गरिन्छ ।

आयोजनाकाे सर्वेक्षण अध्ययन गर्ने क्रममा म्याद सकिएकाे खण्डमा सर्वेक्षण अनुमतिपत्रकाे नविकरण गर्न सकिन्छ । यसकाे साथै सर्वेक्षण अनुमतिपत्र संशाेधनसमेत गर्ने व्यवस्था छ । सर्वेक्षण पूरा भएपछि विद्युत उत्पादनको अनुमतिपत्र लिनुपर्छ । यसकाे प्रक्रिया यस्ताे छः

१) दरखास्त

  • विद्युत नियमावली, २०५० को अनुसूची -६ बमोजिम तोकिएको ढाँचामा कुनै आयोजनाको विद्युत उत्पादनको सर्वेक्षण अनुमतिपत्र बहाल रहेको अवधि भित्रे विद्युत विकास विभाग समक्ष दरखास्त दिने ।
  • विद्युत नियमावली, २०५० को नियम ४ मा उल्लेख भए अनुरुपका विवरण र सोही नियमावलीको अनुसूची – ११ मा उल्लेख भएअनुरुपको अनुमतिपत्र दस्तुर दाखिला गरी सोको रसिद दरखास्त साथ समावेश गर्ने।

२) कागजात चेकजाँच

  • विद्युत ऐन, २०४९ र विद्युत नियमावली, २०५० मा उल्लेख भएका विवरणका अलावा विद्युत आयोजनाको अनुमतिपत्र सम्बन्धि निर्देशिका २०७५ को दफा १३ मा उल्लेख भएका विवरण विभागमा पेश गर्ने।
  • आयोजनाको सम्भाव्यता अध्ययन सम्पन्न, वातावरणीय अध्ययन स्वीकृत तथा कनेक्सन एग्रिमेन्ट वा विद्युत खरिद विक्री सम्झौता सम्पन्न भए पश्चात मात्र दरखास्त उपर कारवाही हुने
  • माथि उल्लेख भए अनुरुपका विवरण, कागजात र दस्तुर सहितको दरखास्त पेश भए पञ्चात विभागमा तोकिएको पदाधिकारीबाट उक्त दरखास्त उपर चेकजाँच छानबिन हुने ।
  • प्रवर्द्धकबाट दरखास्त साथमा पेश भएका विवरण / कागजात / दस्तुर अपुग वा हेरफेर गर्नुपर्ने भएमा सो पेश गर्न विद्युत आयोजनाको अनुमतिपत्र सम्बन्धि  निर्देशिका, २०७५ को दफा १३ (३) र १३ (४) बमोजिम थप समय प्रदान हुने ।
  • थप प्रदान गरिएको समयमा विभागबाट माग गरिएको कागजात विवरणहरु पेश नभएमा विद्युत आयोजनाको अनुमतिपत्र सम्बन्धि निर्देशिका, २०७५को दफा २९ (१.क) वमोजिम दरखास्त रद्द गरिने

३) सार्वजनिक सूचना प्रकाशन

  • विद्युत आयोजनाको अनुमतिपत्र सम्बन्धि निर्देशिका, २०७५को दफा १३ (२) वमोजिम आवश्यक कागजात पेश भएको अवस्थामा वा दफा १४ (१) वा १४ (२) मा भएको व्यवस्था वमोजिम स-शर्तें उत्पादन अनुमतिपत्र जारी गर्न सकिने अवस्था भएमा कारवाही अगाडी बढाईने ।
  • विद्युत नियमावली, २०५० को नियम १६ वमोजिम सरोकारवालाहरुबाट राय सुझाव तथा प्रतिक्रियाको लागि ३५ दिने सार्वजनिक सूचना प्रवर्द्धक स्वयंको खर्चमा प्रकाशन हुन विभागबाट स्वीकृति प्रदान गरिने ।

४) अनुमतिपत्र जारी 

  • उक्त सूचना प्रकाशन अवधि भित्र कुनै राय, सुझाव, गुनासो, प्रतिक्रिया वा उजुरी प्राप्त भए साे सम्बन्धमा कारवाही सम्पन्न गरी वा अनुमतिपत्रकाे शर्तमा राखी  र यदि कुनै उजुरी कुनै राय, सुझाव, प्रतिक्रिया वा उजुरी प्राप्त नभए विद्युत ऐन २०४९ काे दफा ४ काे उपदपफा २ र विद्युत नियमावली, २०५० को नियम १७ वमोजिम ३५ वर्षे  बहाल रहने गरी विद्युत उत्पादनको अनुमतिपत्र जारी गरिने ।

स्राेतः विद्युत विकास विभाग


Read Previous

नारायणगढ–मुग्लिन सडकखण्डका १५ पुल निर्माण गर्न अझै १ वर्ष लाग्ने

Read Next

तनहुँको घिरिङ सबस्टेसनको निर्माण सम्पन्न, विद्युत आपूर्ति भरपर्दो र गुणस्तरीय हुने

Leave a Reply

Your email address will not be published.