नेपाल पूर्वाधार चरीकोट । राष्ट्रिय स्वतन्त्र पार्टी (रास्वपा) दोलखाका प्रभावशाली नेता तथा बागमती प्रदेश समिति सदस्य हरि चौलागाईंले पार्टी परित्याग गरेका छन् ।
रास्वपाको संघीय निर्वाचन परिचालन समिति सदस्यसमेत रहेका चौलागाईं लामो समयदेखि पार्टीको संगठन विस्तार र निर्वाचन परिचालनमा सक्रिय भूमिका निर्वाह गर्दै आएका थिए ।
चौलागाईंले रास्वपाको कार्यशैलीप्रति असन्तुष्टि जनाउँदै पार्टी छोडेको बताएका छन् ।
विरोधकै राजनीतिमा सीमित रहने, व्यवहारमा भन्दा भाषणमा बढी केन्द्रित शैली चित्त बुझेन,” चौलागाईंले भने । उनले जनताको प्रत्यक्ष सुख–दुःखमा जोडिने, विकास र आर्थिक समृद्धिलाई प्राथमिकतामा राख्ने स्पष्ट कार्यदिशा आवश्यक रहेकोसमेत उल्लेख गरेका छन् । दोलखामा अन्य पार्टी छाड्ने क्रम बढ्नु र नेपाली कांग्रेसमा प्रवेश गर्ने लहर चलिरहेको छ । यसबाट प्रत्यक्ष रूपमा कांग्रेस उम्मेदवार अजयबाबु शिवाकोटीलाई फाइदा पुगेको छ ।
