नेपाल पूर्वाधार 
सांकेतिक तस्बिर
काठमाडौं । ४.२ मेगावाटको च्यादी खोला जलविद्युत आयोजना निर्माण हुने भएको छ ।
नदी प्रवाही प्रकृतिको यो जलविद्युत आयोजना गोरखा र लमजुङको अजिरकोट र लमजुङको दुधपोखरीस्थित च्यादी खोलामा निर्माण हुनेछ ।
यो च्यादी खोला प्राइभेट लिमिटेडले निर्माण गर्नेछ । कम्पनीले विस्तृत अध्ययन सकेको छ। विद्युत विकास विभागबाट निर्माण अनुमति पाउने बित्तिकै निर्माण थाल्ने योजना छ।
यस आयोजनाको मुख्य संरचनाहरु दुधपोखरी-१ च्यादी खोलाको दायाँ किनारमा रहनेछन् । विद्युत उत्पादनका लागि च्यादी खोलाको पानी फर्काउन बनाइने बाँधको लम्बाई २३ मिटर हुनेछ । हडरेस पाइपको लम्बाई १७०५ मिटर हुनेछ ।
उत्पादित बिजुली १८ किमी प्रसारणलाइन निर्माण गरेर नेपाल विद्युत प्राधिकरणको किर्तीपुर सबस्टेसनमा जोडिनेछ ।
२०८५ सम्ममा व्यवसायिक उत्पादन गर्ने लक्ष्य छ ।
