नेपाल पूर्वाधार 
काठमाडौं । विश्व प्रख्यात एआई च्याटबट च्याटजीपीटीको मुल कम्पनी ओपनएआईले भारतमा डेटासेन्टर खोल्ने तयारी गरेको छ ।
ब्लुमबर्ग न्युजकाअनुसार ओपनएआईले भारतमा कम्तीमा एक गिगावट क्षमताको डाटा सेन्टर खोल्ने तयारी गरेको हो । कम्पनीले भने यो विषयमा कुनै पनि किसिमको प्रतिक्रिया जनाएको छैन ।
माइक्रोसफ्टको समेत लगानी भएको ओपनएआई हालसालै भारतमा दर्ता भएर स्थानीय जनशक्तिसहित टिम पनि बनाइरहेको छ । अगस्टमा यो कम्पनीले २०२५ को अन्त्यसम्ममा भारतमा नै आफ्नो कार्यालय खोल्ने समेत बताएको थियो । विश्वकै दोस्रो धेरै प्रयोगकर्ता रहेको बजारमा पुग्ने गरि ओपनएआईले भारतमा आफूलाई स्थापित गर्न खोजिरहेको छ ।
सोही क्रममा कम्पनीले भारतमा डाटा सेन्टर पनि खोल्ने तयारी गरेको छ । ब्लुमबर्गकाअनुसार एसियाली मुलुकमा यो डाटा सेन्टरको निर्माण हुनुले एआई पूर्वाधारमा एउटा महत्वपूर्ण कदमको सुरूवात गर्नेछ ।
