नेपाल पूर्वाधार 
काठमाडौं । माइक्रोसफ्टले आफ्नो घरेलु एआई मोडल सार्वजनिक गरेको छ ।
विश्वका सबै प्राविधिक कम्पनीहरु एआईकेन्द्रित रणनीतिमा काम गरिरहेको बेला माइक्रोसफ्टले पनि सो क्षेत्रमा आफ्नो उपस्थिति जनाउनका लागि एआई मोडलहरू सार्वजनिक गरेको हो । कम्पनीले एमएआई-भ्वाइस-१, एमएआई-१ प्रिभ्यु दुई वटा मोडल सार्वजनिक गरेको हो ।
यी एआई मोडलहरू कम्पनीका उपभोक्ताहरूकेन्द्रित भएर डिजाइन गरिएको छ भने यसले कम्पनीको ओपनएआईमाथिको परनिर्भरता हटाउने बताइएको छ ।
कम्पनीले सार्वजनिक गरेका दुई मोडलमध्ये एमएआई-भ्वाइस-१ ‘नेचुरल स्पिच जेनेरेसन’ मोडलका रूपमा विकास गरेको छ । यो मोडल ले एक मिनेटको अडियो एक सेकेन्डभित्रमा बनाउन सक्ने बताएको छ । साथै, एमएआई-१-प्रिभ्यु मोडल भने टेक्स्ट आधारित मोडल रहेको छ ।
ओपनएआईको जीपिटी मोडलमाथिको निर्भरताका बाबजुद माइक्रोसफ्टले आफ्नो दीर्घकालिन योजनाका रुपमा यी निर्णयहरू लिएको बताइएको छ ।
