नेपाल पूर्वाधार 
काठमाडौं । कुखुराहरुका लागि दाना उत्पादन तथा बिक्री तथा अन्डाको व्यापार गर्ने कम्पनी दाउन्ने एग्रो फार्म लिमिटेडले ९ महिनामा १ अर्ब १० करोड ६० लाख रुपैयाँको व्यापार गरेको छ ।
२०२५ को ९ महिनामा यो कम्पनीले १ अर्ब १० करोड ६० लाख रुपैयाँको व्यापार गरेको हो ।
यसअघि २०२४ मा यो कम्पनीले १ अर्ब २१ करोड २० लाख रुपैयाँको व्यापार गरेको थियो भने २०२३ मा यो कम्पनीको व्यापार १ अर्ब १४ करोड ८० लाख रुपैयाँको व्यापार गरेको थियो ।
२०२१ मा ५४ करोड ६० लाख रुपैयाँको व्यापार गरेको यो कम्पनीले २०२२ मा भने ५० करोड रुपैयाँको व्यापार गरेको थियो ।
२०१८ मा स्थापित यो कम्पनी सन् २०२४ मा पब्लिक कम्पनीमा रुपान्तरण भएको थियो । ४० वटा कम्पनी तथा व्यक्तिगत सेयरहोल्डर रहेको यो कम्पनीको सबैभन्दा धेरै सेयर स्वामित्व किसान दाना उद्योग प्रालिसँग रहेको छ । यो कम्पनीले लेयर कुखुराका लागि दाना उत्पादन तथा अन्डाको बिक्री वितरण गर्ने गरेको छ ।
हालका लागि यो कम्पनीले १ अर्ब १५ करोड ५७ लाख रुपैयाँको कर्जा सुविधाका लागि रेटिङ गराएको छ । जसमध्ये रेटिङ एजेन्सी इक्रा नेपालले यो कम्पनीलाई १ अर्ब ७ करोड ५४ लाख रुपैयाँको दीर्घकालिन कर्जा सुविधाका लागि एल डबल बि माइनस र ८ करोड ३ लाख रुपैयाँको अल्पकालिन कर्जा सुविधाका लागि ए फोर रेटिङ दिएको छ ।
