नेपाल पूर्वाधार 
काठमाडौं । रसुवामा आएको बाढीका कारण भएको क्षतिको स्थलगत निरीक्षण गर्न अर्थमन्त्री विष्णु पौडेल रसुवा जाने भएका छन् ।
गत राती तिब्बतबाट आएको बाढीका कारण रसुवागढी क्षेत्रमा क्षति पुगेको छ । बाढीका कारण १८ जना बेपत्ता भएका छन् भने २ जनाको शव पनि भेटिएको छ ।
बाढीका कारण सो क्षेत्रमा के कस्तो क्षति भयो भन्ने स्थलगत निरीक्षणका लागि अर्थमन्त्री पौडेलका साथै अर्थसचिव घनश्याम उपाध्याय, भन्सार विभागका महानिर्देशक महेश भट्टराईलगायतको टोली रसुवा जान लागेको हो ।
