नेपाल पूर्वाधार 
काठमाडौं । रसुवामा आएको बाढीका कारण रसुवागढी जलविद्युत आयोजनाको बाँधको गेट बगाएको छ ।
नेपाल विद्युत प्राधिकरणकाअनुसार तिब्बतबाट पानीको बहाव बढेर आएसँगै आएको बाढीका कारण १११ मेगावाट क्षमताको रसुवागढी जलविद्युत आयोजनामा रहेको बाँधको एउटा गेट बाढीले बगाएको हो । उक्त जलविद्युत आयोजना अन्तर्गतको पुल समेत बगाएको छ भने आयोजनाको टेलरेसमा पनि गेग्रान थुप्रिएको प्राधिकरणले जनाएको छ ।
त्यस्तै, त्रिशूली ३ ए आयोजनाको भवनमा पनि बाढी पसेको छ । त्रिशूली ३ बी आयोजनाको सबस्टेसनमा पनि हिलोले पुरिएको विद्युत प्राधिकरणले जनाएको छ ।
बाढीका कारण जलविद्युत आयोजनामा कति क्षति भयो भन्ने प्रारम्भिक विवरण भएतापनि यकिन विवरण भने आउँन बाँकी नै छ ।
