नेपाल पूर्वाधार 
काठमाडौं । अख्तियार दुरुपयोग अनुसन्धान आयोगले टेरामक्स प्रकरणमा भ्रष्ट्राचार भएको भन्दै पूर्वमन्त्री मोहनबहादुर बस्नेतसहित १६ जनाविरुद्ध विशेष अदालतमा मुद्धा दर्ता गरेको छ ।
आरोपीबाट ३ अर्ब २१ करोड रुपैयाँ ८३ लाख रुपैयाँ बिगो माग दाबी गर्दै मुद्धा दर्ता गरिएको छ ।
यस अघि नै अनुसन्धान टुंग्याएको भएपनि अख्तियारले मुद्धा दर्ता गर्न सकेको थिएन् ।
नेपाल दुरसञ्चार प्राधिकरणका तत्कालीन अध्यक्ष दिगम्बर झँ र पुरुषोत्तम खनाल, प्राधिकरणका तत्कालीन सदस्य धनराज ज्ञवाली र टीकाप्रसाद उप्रेती, प्राधिकरणका निर्देशक विजय कुमार राय, उपनिर्देशक रेवती राम पन्थ, उपनिर्देशक सुरेश बस्नेत, उपनिर्देशक हिरण्यप्रसाद बस्ताचकोटी र अच्युतानन्द मिश्र विरुद्ध मुद्धा दर्ता गरेको छ ।
निर्देशक सुरेन्द्र लाल हाडा, उपनिर्देशक सन्दिप अधिकारी र निर्देशक दिपेश आचार्यलाई समेत प्रतिवादी बनाइएको छ ।
पूर्वमन्त्री बस्नेत सिन्धुपाल्चोक क्षेत्र नम्बर २ बाट निर्वाचित सांसद हुन् । अख्तियारले मुद्धा दर्ता गर्ने बित्तिकै उनको सांसद पद स्वत: निलम्बनमा परेको छ ।
Teramox-muddha