नेपाल पूर्वाधार 
काठमाडौं । गोल्यान समुहअन्तर्गतको प्योर इनर्जी कम्पनीले १० मेगावाट क्षमताको सौर्य ऊर्जा उत्पादन थालेको छ । कम्पनीले आइतबारदेखि दुईमध्ये पहिलो ब्लकबाट बाँकेको खजुरा गाउँपालिकास्थित रनियापुरमा सौर्य उर्जा उत्पादन थालेको हो ।
यस कम्पनीले दुई ब्लकबाट २० मेगावाट विद्युत् उत्पादन गर्ने गरी काम थालेको थियो । दोस्रो ब्लकबाट भने मे २०२३ देखि नै उत्पादन थालिसकेको छ ।
दुवै सोलार पावर प्लाण्ट सञ्चालनमा आएपछि एकल रुपमा प्योर इनर्जी देशकै सबैभन्दा ठूलो सौर्य उत्पादक कम्पनी बनेको छ । कम्पनीले उत्पादित विद्युत् चाडै नै राष्ट्रिय प्रशारण प्रणालीमा जोड्ने तयारी गरेको छ ।
सौर्य विद्युत उत्पादनले हरित ऊर्जा प्रवद्र्धनमा महत्वपूर्ण योगदान पुग्ने कम्पनीले विश्वास लिएको छ ।
Facebook Comments
