Nepal Purbadhar

बिहिबार, माघ १९, २०७९
Thursday, February 2, 2023

बिहिबार, माघ १९, २०७९
Thursday, February 2, 2023

बागतमतीले थप्यो सवारी चालक अनुमतीपत्रको दैनिक कोटा,अनलाइन आवेदन दिन सकिने


काठमाडौं । बागमती प्रदेशको श्रम, रोजगार तथा यातायात मन्त्रालयले विहीबार सुचना जारी गरी बायोमेट्रिक्सको लागि तोकिएको दिनको कोटा वृद्धि गरेको छ । भोली (शुक्रबार) दिउसो ४ः ३० बजेदेखि लागू हुने गरी बायोमेट्रिक्सको लागि कोटा वृद्धि गरेको छ । असार २८ गते तोकिएको कोटामा १ हजार २१५ जना थप गरी भोलीदेखि लागू हुने गरी ३ हजार ६७५ पु¥याइएको छ ।

सुचनामा उल्लेख भए अनुसार सबभन्दा बढी आवेदन जगातीस्थित कार्यालयबाट दिन सकिन्छ भने सब भन्दा कम आवेदन एकान्तकुनास्थित कार्यालयबाट दिन सकिन्छ । एकान्तकुनामा सवारी लाइसेन्स नविकरणको प्रक्रियमा आएका गुनासोहरु फस्र्यौट गर्नुपर्ने, पुरानो अभिलेख रुजु गर्नेको संख्या अत्यधिक हुने भएकोले तत्कालको लागि न्युनतम कोटा तोकिएको मन्त्रालयले जनाएको छ ।

विचौलियाहरुले थप कोटामा मनपरी गर्न नसकुन् भनेर शुक्रबार ४ः३० बजेको समय नै तोकर कोटा थपिएको हो । यसअघि पालो कुरेर बसेका वा अनलाइन एप्लाई गर्न नसकेका १८ हजार २२५ जनाले १५ दिनभित्रै पालो पाउने गरी भोली नै आवेदन दिन सक्नेछन् ।

बागमती प्रदेश सरकारले यातायात सेवा कार्यालयको सुधार सम्बन्धी विषयलाई प्राथमिकतामा राखेर काम गरिरहेको छ । यसअघि मन्त्रालय मातहतको कार्यालयबाट सम्पादन भइरहेको सवारी चालक अनुमती सम्बन्धी वर्ग थप र नयाँ आवेदनको लागि सेवाग्राहीहरुको अत्यधिक चापलाई व्यवस्थापन गर्न प्रदेश सरकारबाट अतिरिक्त समयमा कार्यालय सञ्चालनको शुरुवात भइसकेको छ ।

मुख्यमन्त्रीकाे प्रमुख स्वकीय सचिव इ.उमेश रूपाखेतीले यातायात कार्यालयहरूबाट प्रवाह भइरहेकाे सेवा सुधारलाइ निरन्तरता दिने र अनुगमन कार्यलाइ थप व्यवस्थित बनाउन प्रयत्न गरिररहेकाे जानकारी दिए ।

सेवाग्राहीहरुले https://applydl.dotm.gov.np/मा गएर तोकिए बमोजिमको विवरण प्रविष्ट गरी चाहे बमोजिमको मितिको लागि आवदेन दिन सक्ने र अत्यधिक चापको कारण वा दैनिक कोटा सकिएको भए अर्को मितिको लागि आवदेन दिन सक्ने व्यहोरा सुचनामा उल्लेख छ ।

सेवा प्रवाहको सुधार सम्बन्धमा रचनात्मक सुझाव र सहयोगको लागि सम्बन्धित सबैमा अपिल गरेको छ । यसको साथै आम सेवाग्राहीहरुलाई नागरिकता नं., ड्राइभिङ लाइसेन्स नंं, नाम, मोबाइल नं. र बर्ग जस्ता विवरणहरु त्रुटीरहित हुने गरी प्रविष्ट गर्न अनुरोध गरेको छ । आवेदकबाट प्राप्त शुरु विवरणहरु संसोधन गर्न रोक लगाउने तयारी गरिरहेको समेत उल्लेख छ ।

बागमती प्रदेश मातहतको यातयातसम्बन्धी सबै सेवा प्रवाहको तथ्यांकलाई दैनिक रुपमा वेवसाइटमै राख्ने तयारी भइरहेको छ । मन्त्रालयको सचिवको समेत जिम्मेवारी सम्हालीरहेका बागमती प्रदेशको मूख्यमन्त्री तथा मन्त्रीपरिषद्को कार्यालयका सचिव यमलाल भुषालको अनुसार माननीय मुख्यमन्त्री र माननीय मन्त्रीज्यूको निर्देशनको आधारमा सुधार अगाडि बढिरहेको र अनुगमन भइरहेको जानकारी दिएको छन् ।


Read Previous

लगानी अभाव र सार्वजनिक निजी साझेदारीकाे कार्यान्वयन

Read Next

सरकारी–निजी साझेदारी अभियान सुरु

Leave a Reply

Your email address will not be published.