काठमाडौ । सरकारले आगामी आर्थिक वर्ष २०७९/०८० को लागि १७ खर्ब ९३ अर्ब ८३ करोड बजेट विनियोजन गरेको छ ।
अर्थमन्त्री जर्नाद्धन शर्माले आइतबार संसदमा बजेट तथा कार्यक्रम घोषणा गर्दै सो बजेट सार्वजनिक गरेका हुन् ।
यो बजेट चालु वर्षको भन्दा १ खर्ब ६१ अर्ब बढी हो । चालु वर्षको बजेट १६ खर्ब ३२ अर्ब ८२ करोड ९२ लाख छ ।
कुल बजेटमध्ये चालु तर्फ ७ खर्ब ५३ अर्ब ४० करोड अर्थात ४२ प्रतिशत र पुँजीगततर्फ ३ खर्ब ८० अर्ब ३८ करोड अर्थात २१.२ प्रतिशत बजेट विनियोजन गरिएको छ ।
यसैगरी वित्तिय व्यवस्थापनतर्फ ४ खर्ब २९ अर्ब ८३ करोड विनियोजन गरिएको छ ।
प्रदेश र स्थानीयतर्फ बजेट ४ खर्ब २९ अर्ब ८३ करोड अर्थात २४ प्रतिशत विनियोजना गरिएको छ । यो चालु वर्षभन्दा ४३ अर्ब बढी हो ।
आगामी बर्षमा १२ खर्ब ४० अर्ब ११ करोड राजस्व संकलनको लक्ष्य राखिएको छ । यो चालु वर्षको भन्दा २ खर्ब १६ अर्ब बराबर बढी हो । चालु वर्षमा १० खर्ब २४ अर्ब ९० करोड संकलन गर्ने लक्ष्य राखिएको छ ।
यसैगरी वैदेशिक अनुदानतर्फ ५५ अर्ब ४६ करोड व्यहोर्दा ४ खर्ब ९८ अर्ब २६ करोड रुपैयाँ न्यून हुनेछ । सो न्यून पूर्ति गर्न वैदेशिक ऋणतर्फ २ खर्ब ४२ अर्ब २६ करोड लिने तथा आन्तरिक ऋणतर्फ २ खर्ब ५६ अर्ब उठाउने घोषणा पनि बजेटमा गरिएको छ ।
बजेट तथा कार्यक्रममार्फत सरकारले आगामी वर्षमा ८ प्रतिशत आर्थिक वृद्धिदर हासिल गर्ने लक्ष्य समेत लिएको छ ।
बजेटको पूर्णपाठः बजेट-बक्तव्य-२०७९