Nepal Purbadhar

बिहिबार, माघ १९, २०७९
Thursday, February 2, 2023

बिहिबार, माघ १९, २०७९
Thursday, February 2, 2023

चालू आवमा आर्थिक वृद्धिदर ४.८ प्रतिशत हुने एडीबीको संसाेधित प्रक्षेपण


काठमाडौं । एशियाली विकास बैंकले पछिल्ला तथ्यांकका आधारमा नेपालको आर्थिक वृद्धिदर यसअघिको तुलनामा न्युन हुन प्रक्षेपण गरेको छ । चालू आव २०७९/८० मा बजार मुल्यअनुसार ४.८ प्रतिशतले मात्र आर्थिक वृद्धि हुने अनुमान गरेको छ । यसअघि अप्रिल २०२२ मा ५ प्रतिशत वृद्धिदर हुने अनुमान गरेको थियो ।

एडीबीले आर्थिक वर्ष २०७८/७९ मा ५.८ प्रतिशतले आर्थिक वृद्धि हुने संसोधित प्रक्षेपण पनि बैंकले सार्वजनिक गरेको छ । यसअघि भने ३.९ प्रतिशतले आर्थिक वृद्धि हुने प्रक्षेपण गरेको थियो । एडिबीले कसिलो मौद्रिक नीति, आयातमा भएको रोकावट, वैदेशिक सञ्चिती घट्दो क्रम, मुल्य वृद्धि जस्ता पक्षले आर्थिक वृद्धिलाई साघुँरो बनाउने एडिबीले उल्लेख गरेको छ ।

कोरोना १९ को महामारी जाग्ने क्रममा रहेको अर्थतन्त्रमा अहिले फेरी डेंगुको सक्रमण वृद्धि भइरहेको र वर्खामा हुने प्राकृतिक विपत्तीले पनि असर पारिरहेको उल्लेख गरेको छ । एडीबीले सामान्य रहेको मौसमले गर्दा कृषि उत्पादनमा वृद्धि गर्ने उल्लेख गरेको छ । तर, किसानले मल समयमा नपाउदा धान उत्पादनमा गहिरो प्रभाव पार्न सक्ने अनुमान गरेको छ ।

त्यस्तै, विद्युतको उत्पादन वृद्धिसँगै उद्योगको उत्पादनमा पनि वृद्धि हुन सक्नेछ । पूर्ण क्षमतामा सञ्चालन गर्न सक्नेछन । प्रतिवेदनले सेवा क्षेत्रमा भने न्यून वृद्धि हुने सम्भावना छ । किनकि घरजग्गा, होलसेल र रिटेल व्यापारका क्रियाकलापमा सुस्तता छ । विशेषगरी कर्जा प्राप्त गर्न कठिन छ र बैंकले ब्याजदरमा वृद्धि गरेका छन् । तर, प्रदेश र संघीय सरकारको निर्वाचनमा हुने खर्चले आर्थिक वृद्धिको लागि सहयोगी हुने एडीबीको प्रतिवेदनमा उल्लेख छ ।


Read Previous

ट्र्याक खुलेको २५ वर्षमा बल्ल साढे ४ किलाेमिटर सडक कालोपत्रे

Read Next

पाँचखाललाई ‘ग्रीन स्मार्ट-सिटी’ बनाउने योजना कार्यान्वयनमा

Leave a Reply

Your email address will not be published.